UMotaung Jr. ucacisa eka-Ox Mthethwa eNaturena
- Intatheli yeLISENETHINI
Isikhulu seKaizer Chiefs, uKaizer Motaung Jr. useveze ulwazi olusha ngomdlali wasesiswini uSibongiseni Mthethwa.
Lo mdlali wasesiswini oneminyaka engu-29 usematheni kulezi zinsuku njengoba kuqhubeka ukuqagela ngekusasa lakhe.
KUnemibiko ephume kwabezindaba ethi akekho ezinhlelweni zomqeqeshi omusha uNasreddine Nabi.
Kodwa uMotaung Jr. uqinise abalandeli ukuthi u-Ox, okuyigama uMthethwa aziwa ngalo, uyingxenye ebalulekile yezinhlelo zeqembu.
Ngokusho kukaMotaung Jr, lo mdlali wasesiswini weBafana Bafana ube nesizini enhle futhi ukulangazelele ukusiza iqembu.
“U-Ox uyingxenye enkulu yezinhlelo zethu,” kusho uMotaung Jr.
“Ube nesikhathi esihle ngesikhathi kulungiselelwa isizini.”
Okwamanje, amazwi kaMotaung Jr. anikeza ukuqonda okubalulekile ngezinhlelo zeChiefs ngalo mdlali.
Wengeze ngokuthi kungenzeka kube khona izimemezelo “ngisho nangesonto elizayo” (eshi leli sonto).
Lezi zinkunzi zaseSoweto zisasezinhlelweni zokuqinisa iqembu ngokuletha abanye abadlali.
“Njengoba isikhathi sihamba, ngisho nangesonto elizayo, kungahle kube nezimemezelo ezithile,” kusho uMotaung Jr.
OLUNYE UDABA: UMartin akafuni kunanyathelwe ephutheni likaMothwa
IChiefs isafisa okungenani abanye abadlali abathathu okukhona kubo no-Oswin Appolis wasePolokwane City.
