Akusakhali ‘Scathulo sikaMesisi’ kwiKaizer Chiefs
IKaizer Chiefs kulindeleke ukuthi ilethe okungenani omunye umdlali wangaphandle ngemuva kokuhlukana nomdlali wasesiswini u-Edson Castillo.
Imibiko iqinisekisa ukuthi zombili izinhlangothi zivumelene ngokunqanyulwa kwenkontileka.
Lokhu kukhulula indawo ebalulekile yomdlali wangaphandle eqenjini.
Leli qembu kukholakala ukuthi lisezingxoxweni ezifanayo nonozinti waseRwanda uFiacri Ntwari.
Uma kufinyelelwa esivumelwaneni, indawo yesibili ingavuleka — inikeze iKaizer Chiefs ithuba lokuqinisa isikwati sayo.
UCastillo ujoyine iKaizer Chiefs ngoJulayi ka-2023 ngaphansi komqeqeshi uMolefi Ntseki waqala ngendlela ethembisayo.
Ushaye amagoli amahlanu futhi wabonakala emidlalweni engu-32 ngesizini yakhe yokuqala.
Nokho, uye ngokushabalala eqenjini. Ngesizini yakhe yesibili, ulimale kanzima ukumbeke eceleni isikhathi eside.
Udlale imidlalo eyisikhombisa kuphela ngemuva kokubuya ekulimaleni ngasekupheleni kwesizini.
Naphezu kokwelula inkontileka ngonyaka owodwa ngombandela wokuvuselela, ukungabuyeli emgqigweni kukaCastillo skuholele ekutheni adedelwe.
IKaizer Chiefs isisayinise uSiphesihle Ndlovu weSuperSport United — obonakala ezovala lesi sihala sikaCastillo esiswini.
UCastillo, oneminyaka engu-31 ubudala manje usebheke ikilabhu entsha azodlala kuyo ngesizini ezayo.
Khonamanjalo, iChiefs isebenza ngokushesha ngemuva kwezigcawu — kanti omunye umdlali wangaphandle angase asayinwe maduze.
