Umlayezo obalukile ngamathikithi omdlalo weNedbank Cup
I-Open Tickets, inkampani ebijutshwe ukudayisa amathikithi omdlalo wamanqamu we-Nedbank Cup yenze isimemezelo esibalulekile ngamathikithi.
Emzamweni wokuthuthukisa ezokuphepha nokulwa nokukhwatshaniswa kwamathikithi, kuzosetshenzia inqubomgomo entsha.
Ngemuva kokuqeda ukukhona, umnikazi wethikithi uzothunyelelwa umlayezo kodwa angabi nayo ibhakhodi.
Umlayezo uzofundeka kanje: “Ithikithi lakho lizotholakala kuphela kusukela ngo-10/05/2025 ngo-6 ekuseni.”
Lokhu kusho ukuthi ithikithi livumelekile, kodwa ibhakhodi izobonakala kuphela emahoreni ambalwa ngaphambi kokuba kuvulwe amasango eMoses Mabhida Stadium.
Kungani lokhu kubalulekile:
Lesi silinganiso sisiza ukuvimbela amathikithi omgunyathi noma ukusetshenziswa kwelilodwa kaningi.
Nansi indlela yokufinyelela amathikithi akho uma esetholakala:
Chofoza umlayezo ozongena kwi-email yakho yokuqinisekisa ukuze ubuke ithikithi lakho ledijithali.
Lifake kwi-Google Wallet ukuze ukwazi ukufika kulo ngokushesha uma sewungena enkundleni.
Ayadluliseleka nakubangane noma labo ozobe uhamba nabo ngaleso sikhathi ukuze bakwazi ukungena – sebebenzisa umakhalekhulhwini wabo.
Bonke abalandeli bayanxuswa ukuthi basebenzise lezi zindlela ukuze bangabi nenkinga yokungena enkundleni ngoosuku lomdlalo.
Ngokusho kwe-Open Tickets, amathikithi alo mdlalo we-Nedbank Cup obhekwe ngabomvu zadayise aphela emizuzwini angu-90 kuvuliwe ukudayiswa kwawo ngoMsombuluko.
Uzodlalelwa eMoses Mabhida Stadium ngoMgqibelo kanti kuzogadulisana kuwo izinkunzi zaseSoweto iKaizer Chiefs ne-Orlando Pirates.
Kube nesiphithiphithi esibi ngesikhathi kuqala ukudayiswa kwalamathikithi alo mdlalo ngoMsombuluko.
Abantu baphume ngobuningi ukuyiwathenga, kodwa iningi libuye lilambatha njengoba imishini ivele yajama.
I-Open Tickets ixolisile ngalokhu, yathi isimo senziwe wubuningi babantu abangene kanyekanye befuna ukuthenga lamathikithi.
