UMbekezeli Mbokazi uzithuse kwayena ngenguzunga yegoli
Akakakholwa namanje uMbekezeli Mbokazi ukuthi ugcine ekwazile ukushaya igoli akade ayelizama – ngokudedela ishodi ekude nepali.
Kube yigoli lakhe uMbekezeli Mbokazi eliwezela i-Orlando Pirates emzuliswaneni olandelayo kwiCarling Knockout Cup ngoMgqibelo ntambama.
Idlule kunzima kwiSiwelele FC ebingazibekile phansi, futhi kube yileli goli likaMbokazi alishaye umdlalo usuyophela eliyigolile.
Ekhuluma ngemuva komdlalo, uMbekezeli Mbokazi uzihlekile kwayena, wavuma nokuthi ngisho ozakwabo abakholwanga eshaya leleliya goli.
“Nami agazi kwenzeke kanjani ngoba ngijwayele ukukhahlela bese ngiyageja,” kusho uMbokazi.
“Ngisho nozakwethu bamangalile uma ngishaya igoli elinjena ngoba ngijwayele ukushaya ngigeje – nami kungijabulisile impela lokho.”
Uthe umuzwa wokukhahlela uzifikele nje, akuyona into ayihlelile kodwa ubone ithuba livela, wabe esezama.
“Bengingazimisele ngokukhahlela, kodwa ngabona bevula isikhala ngabe sengilishaya ke, kwaba nenhlanhla ukuthi liye endaweni efanele.
“Kodwa lo mdlalo wanamuhla ubunzima kakhulu impela,” kuqhuba lo mdlali osanda kuhlanganisa iminyaka engu-20 ubudala.
WINA | Ithuba lokuwina neVicks neLisenethini
Kulo mdlalo, uSamir Nurkovic noCristian Saile bebeshintshisana ngaye uMbekezeli Mbokazi, bemfakela ingcindezi kodwa wagcina ebakhonile.
“Namhlanje bekunzima kakhulu. Into esisizile wukuthi sibekezele, singavumi ukuwa phansi ngoba bebesihelele kahle – nathi besibahlele.
“Khona bekugijinywa impela – bebekufuna ngampela ukuwina, nathi sikufuna kwasho ukuthi inhlanhla ilele ngakithi.
FUNDA NALA | U-Appollis nesethembiso kuMbokazi benqoba oweCarling KO
“Kusisizile nokuthi siphushe, sibambisane singayekeleli phansi – yiyonanto esisisizile leyo,” kuchaza yena.
“Uma iqembu libambene, kona kovela phela okuvelayo kodwa ngeke zisithikameze uma sibambisene.”
