U-Ouaddou uqinisile kwiPirates ukugwema ukumangazwa yiMilford

U-Abdeslam Ouaddou akazimisele ukuthatha amashansi njengoba i-Orlando Pirates isimemezele iqembu eliqinile elizobhekana neMilford FC emdlalweni weCarling Knockout Cup.

IBhakabhaka liza kulo mdlalo lizethemba ngemuva kokubhaxabula i-African Stars yaseNamibia ngo 5-0 uma kuhlanganiswe imilenze yomibili, yazibekisela indawo esigabeni samaqoqo kwiCAF Champions League.

Nokho, u-Ouaddou uyazi ukuthi ibhola lendebe alibheki ukuthi yiliphi iqembu elikhulu. Amaqembu amakhulu aseke azithola ekhala ngaphansi ebhekene nathathwa ngokuthi mancane.

Ngemuva kokwenza izinguquko emidlalweni ne-African Stars, lapho aphumuza khona uNkosinathi Sibisi, noYanela Mbuthuma, lo mqeqeshi usebuyele eqenjini eliqinile.

USipho Chaine uzoqala epalini, avikelwe nguDeon Hotto, uLebone Seema, uSbangani Zulu noBulelani Sigomoshe.

Esiswini kuzoba noThalente Mbatha, uSimphiwe Selepe noThapelo Mokobodi, kuthi uGamphani Lungu, uTsepang Moremi no-Evidence Makgopa bahole phambili.

• FUNDA NALA | Izinguquko kwiDowns neChiefs

I-Orlando Pirates ifuna ukukhohlwa ukuhlulwa yiMamelodi Sundowns kowamanqamu weMTN8, ibheke enye indebe nemali ecela kuR7 million elindele ompetha.

IPirates ibophele kanje: Chaine, Hotto, Seema, Zulu, Sigomoshe, Mbatha, Selepe, Mokobodi, Lungu, Moremi, Makgopa.

Ebhentshini: Dladla, Ndaba, Sibisi, Mthiyane, Dansin, Nkota, Padime, Appollis, Radiopane

• EZISHISAYO!| Cofa lapha usithole kuWhatsApp