ULakay uphawula ‘ngokufunwa’ yiChiefs
UFagrie Lakay useveze ukuthi okwamanje akukho engqondweni yakhe ukubuyela eNingizimu Afrika, yize emataniswa neKaizer Chiefs.
ULakay ujoyine iqembu lase-Egypt iPyramids FC ngo-2022 esuka kwiCape Town City.
Usedlale imidlalo engu-118, washaya amagoli angu-33 kusukela efikile kulezi zinkunzi zase-Egypt.
Kule sizini, ubolekiswe kwiCeramica Cleopatra. Kuze kube manje, usedlale imidlalo engu-11, washaya amagoli amabili futhi wakha amabili.
Ekhuluma ne-iDiski Times, uLakay uveze izinhlelo zakhe zesikhathi esizayo.
“Ngifuna ukuhlala ngapha isikhathi eside ngangokunokwenzeka.
“Mhlawumbe ngizobuyela ekhaya uma sengizowabeka ethala amakhokho,” kusho o mgadli.
Lo mdlali owake waba ngumdlali weSantos ube nebhadi lokusala ngaphandle kwiBafana Bafana muva nje.
Kodwa-ke, usaziqhenya ngokusebenza kweBafana kwi-Afcon yangonyaka odlule.
“Ngiziqhenya kakhulu ngalokho abakuzuzile. Bekumangalisa ukubabuka.”
ULakay usazimisele ngokuphinde abuyele eqenjini lesizwe.
“Kuhlale kuyinto enkulu ukudlala kwiBafana. Kuyinhloso yami enkulu ukubuyela lapho.
“Ngidinga nje ukuqhubeka nokusebenza kanzima nokushaya amagoli. Okunye kuzolandela.”
