UConway – okhulele e-England – uveza isifiso seBafana
Umdlali wasemuva weBolton Wanderers, u-Max Conway, useveze ukuthi angathanda ukudlala kwi-Bafana Bafana esikhathini esizayo.
UConway, ozalelwe eNorth West ye-England, unelungelo lokudlalela iNingizimu Afrika ngenxa yokuthi ugogo wakhe ngowakuleli.
Lo mdlali oneminyaka engu-23 useveze ukuthi usecabanga ngokuthola ubuzwe namaphepha aseNingizimu Afrika ukuze avuleleke ngokuphelele kuleli thuba.
“Yinto yonke ingane ephupha ngayo, ukudlalela izwe layo,” kusho lo mdlali kwi-iTalkSPORT.
“Ngingaba nobuzwe baseNingizimu Afrika. Ngethemba ukuthi ngingabuthola esikhathini esizayo.”
U-Max Conway uthe kusadingeka alungise amaphepha okuba yisakhamuzi futhi athole iphasiphothi, kodwa akalivalanga ithuba lokugqoka ijezi le-Bafana Bafana.
Lo mdlali odlala emuva kwesokunxele usekhule kakhulu eminyakeni emibili edlule.
- FUNDA NALA | UMakhanya uphawula ngendondo yakhe eScotland
Useseuke ebholeni lama-amesha waya ekudlaleni njalo kwiChampionship neBolton Wanderers.
Manje usebheke elinye igxathu elikhulu — ukuthola ithuba lokumela iNingizimu Afrika.
- EZISHISAYO| Cofa lapha usithole kuWhatsApp
