Sesiphumile isinqumo nesigwebo ecaleni leGallants
Akukho lutho oluzoshintsha ezinhlelweni zePSL zokuqala kwesizini njengoba isigungu esiqondisa ubugwegwe siqoke ukuyihlawulisa imali iMarumo Gallants.
Leli qembu elizinze eFree State litholwe linecala lokusebenzisa umdlali ongabhalisiwe ngendlela efanele.
Belibekwe icaa lokusebenzisa uMonde Mphambaniso ebe ebhaliswe kusetshenziswa incwadi yokumkhulula engafanele.
Umshushisi wePSL, uZola Majavu ukuqinisekisile ukuthi baliqulile icala, iGallants yailivuma yabe seyihlawuliswa.
Ayizange iphucwe amaphuzu njengoba abaningi bebebheke ukuthi kuzokwenzeka, obekuzojika izinto eziningi kwiPSL.
“Esikhathini esikngengakanani esidlule, isigungu sePSL esiqondisa ubugwegwe siphothule udaba la bengivule amacala okungaziphathi kahle.
“Lamacala abebhekiswe kwiMarumo Gallants nomdlali wayo uMonde Mphambaniso,” kuchaza uMajavu.
“Leli cala lisukela ekubhalisweni kukaMphambaniso yiGallants ngaphandle kwencwadi emkhululayo efanele nefunekayo ngokwemithetho yeligi.
“IMarumo Gallants ilivumile icala yabe seyilahlwa yicala,” kuqhuba uMajavu kulesi sitatimende asikhiphe ngoLwesine ebusuku.
“Ngokubheka ubufakazi… Isigungu sePSL sinqume ukuthi iMarumo Gallants ihlawuliswe isamba sika-R200 000, ingxenye yaso ilengiswe izinyanga ezingu-24.”
Uqhube wathi umbandela okulengiswa kwale ngxenye yenhlawumo wukuthi leli qembu lingatholwa linecala elifanayo ezinyangeni ezingu-24.
“Uma liphinde litholakala linecala elifanayo, le mali elengisiwe iyone seyikhkhwa ngaleso sikhathi…”
Ngaphezu kwalokho, iGallants iyalelwe ukukhokha izindleko zonke zokulalelwa kwaleli cala layo.
UMphambaniso yena utholwe engenacala ngakho akazange ahlawuliswe ngalutho.
UMajavu uthe leli cala liphelile okwamanje, ngaphandle uma kukhona ikilabhu elidlulisela phambili.
