Sekuphinde kwanjalo iChiefs inqwamana neSundowns
- Sibongiseni GUMBI
Kuzobhekana iKaizer Chiefs neMamelodi Sundowns emdlalweni wamanqamu kwiHome of Legends Cup edlalwa eNelson Mandela Bay Stadium, eGqeberha ngoMgqibelo.
Lo mqhudelwano wosuku olulodwa unike amaqembu amane – iChiefs, iSundowns, iChippa United neGolden Arrows ithuba lokuzwana amandla.
Lokhu kuzowasiza ukugcina abadlali besesimweni njengoba kunekhefu elide lemidlalo esemthethweni yePSL.
IChiefs izidlulele ngehubo lika 2-0 kwi-Arrows ukuze izibekisele indawo kowamanqamu.
Amagoli ayo ahsywe oMduduzi Shabalala, ngomzuzu wesithupha, noNkosingiphile Ngcobo ngomzuzu ka-50.
ISundowns yona idlule kwiChippa, eyishaye ngo 5-3 sekukhahlelwa amaphenathi emdlalweni owandulela owamanqamu wesibili.
USiyanga Msani ubeke iSundowns phambili ngomzuzu ka-31, kodw ayabuya iChippa ngoka-36, yalinganisa.
Zishukane zaze zabukana esiwombeni sesibili, kwaze kuba indaba yabo iyoqedelwa phansi kwepali la kufike kwakhonya iSundowns.
Umdlalo wayo neChiefs uzoba senkundleni efanayo ngo-6 ebusuku, kanti awuvezwa kumabonakude noma ezinkundleni zokuxhumana.
Nokho iLisenethini ikhona ukukubhekela lo mdlalo, bese ikwethulela okwenzekayo.
IChiefs ibophele kanje kowamanqamu: Petersen, Solomons, Msimango, Miguel ©, Cross, Ngcobo, Mthethwa, Shabalala, Vilakazi, Mmodi, Du Preez
Ebhentshini: Bvuma, Cossa, Mashiane, Kwinika, Sam, Zwane, Maart, Mdantsane, Potsane, Duba, Chivaviro
