OweCape Town City uveza okuzokwenzeka ngabadlali bakhe

Usihlalo we-Cape Town City uJohn Comitis ushaya phansi ngonyawo, uthi amaqembu azibheke kubadlali bakhe awakhohlwe. 

Lokhu kulandela ukuthi i-Cape Town City idliwe yizembe kwiBetway Premiership, futhi isizodlala kwiMotsepe Foundation Championship ngesizini ezayo.

Ukudliwa yizembe kwaleli qembu kuqinisekiswe kuleli sonto ngemuva kokushaywa kwayo yi-Orbit College emdlalweni wokuhlunga. 

I-Cape Town City, ebisiphenduke elinye lamaqembu eza kahle esigabeni esiphezulu, manje ibhekene nesimo esibuhlungu sokudlala esigabeni sesibili. 

Ngokwemvelo, abadlali bayo abaphambili kulindeleke bahehe amakilabhu eBetway Premiership.

Abadlali abafana noDarren Keet, uThabo Nodada, uHaashim Domingo, uJaedin Rhodes, uLorenzo Gordinho, noLuphumlo Sifumba akubhekiwe ukuthi bahambe neqembu. 

Kodwa uComitis ugcizelela ukuthi akanazo izinhlelo zokuthengisa ngabadlali bakhe — hhayi okwamanje.

“Abadlali bami abayi ndawo,” kusho uComitis engxoxweni abe nayo neKickOff.

“Kodwa ngeshwa kukhona esingeke sikwazi ukuqhubeka nokubakhokhela.”

Uvumile ukuthi ukudliwa yizembe kusekusha nokuthi ezinye izinqumo ezinzima zingase zithathwe ngokuhamba kwesikhathi.

“Kusewusuku lokuqala. Kunemizwa eminingi ehilelekile ekucabangeni kwami okwamanje,” kuqhuba yena.

“Futhi leyo akuyona indlela efanele yokubhekana nezinto kwesinye isikhathi. 

“Ngakho-ke, sithatha igxathu elibuyela emuva ukuze sibone ukuthi yini engase ibe yindlela elandelayo.”

• FUNDA NALA | IChiefs isayicubungula kahle ekaNasreddine Nabi

UComitis usazimisele ngokwakha iqembu eliqinile elizokwazi ukubabuyisela kwiBetway Premiership ngokushesha.

Kodwa ukuthi bangaki kubadlali bakhe azokwazi ukubagcina kuzothatha amehlo.

• SIJOYINE KU-FACEBOOK | Lisenethini.co.za  

Ngaphezu kweyabadlali, uComitis kusazomele alungise neyomqeqeshi azomnika lomthwalo wokubuyisela iqembu la akholwa ukuthi lifanelwe ukuba khona.