OwePirates uveza okumjabulisayo ngokufika kukaPedersen
Umqeqeshi we-Orlando Pirates u-Abdeslam Ouaddou uthi ujabule ngokuthi umgadli omusha u-Sebastian Pedersen usefikile eNingizimu Afrika.
Lo mgadli waseNorway oneminyaka engu-27 ubudala usayine esuka kwiSogndal IF.
Ube yingxenye yekhempu yePirates eSpain ngaphambi kokubuyela ezweni lakubo.
Ugcine efikile kuleli, kuleli sonto. NgoMgqibelo ubebukele ezinkundleni ngesikhathi iPirates ishaya iDurban City ngo 2-1 emdlalweni weMTN8.
Ngemuva kwalo mdlalo, abalandeli bemukele ngenhlokomo lo mgadlo wabo omusha, bemkhombisa uthando.
Umqeqeshi ube esebuzwa ukuthi ingabe u-Sebastian Pedersen angakwazi yini ukuxazulula inkinga yokushaya amagoli kwiPirates.
Uphendule ngokuthi ukufika kwakhe kuyizindaba ezimnandi kakhulu kuye naseqenjini lilonke.
“Kuhlale kuyizindaba ezinhle kumqeqeshi ukuthola umdlali omusha,” kusho u-Ouaddou.
“Useyingxenye yabagadli esinabo futhi lokho kuyinto enhle kuwo wonke umuntu.
“Wonke umuntu ulangazelele ukumbona edlala. Uzoncintisana nabanye bonke abagadli esinabo ukuze athole indawo eqenjini.”
- FUNDA NALA | Umunyu uMaseko ebalisa ngeDowns
Njengoba esefike ngokusemthethweni u-Sebastian Pedersen, abalandeli be-Orlando Pirates sebebheke ukuba axazulule inkinga yamagoli.
- EZISHISAYO|Â Cofa lapha usithole kuWhatsApp
