Okwenza uDa Gama akhalele noma isizini ‘eyodwa nje’ kwiChiefs
Umakadebona womqeqeshi wakuleli u-Owen Da Gama useziveze njengomunye walabo abahalela umsebenzi wokucija iKaizer Chiefs.
Uvumile ukuthi lezi ziqhwaga zaseSoweto zihamba phambili “ohlwini lwamaqembu” asafisa ukuwaqeqesha.
Lo mqeqeshi oneminyaka engu-64 ubudala useke wasebenza kwi-Orlando Pirates neBafana Bafana phambilini.
KADE AYIHALELA
Njengamanje akanaqembu asebenza kulo kulandela ukubuya eBotswana la esebenze khona isikhashana kwiBlack Lions FC.
Phezu kokuba lezi zinkunzi ezimbili zaseSoweto zaziwa ngokuba amaqembu anzima ukuwaqeqesha, uDa Gama uthi ukuhola Amakhosi yinselelo angayijabulela.
“YiKaizer Chiefs, uma ngingathola iChiefs noma isizini eyodwa nje,” kusho u-Owen Da Gama kwiPhalaPhalaPhala FM.
“Angifuni kube ngathi ngizicelela umsebenzi, kodwa yona isohlwini lwami lwamaqembu engisahalela ukuwacija.
“ Uma lingavela ithuba, lingaba yinto engingeke ngingabaze ukulithatha.”
UNEGAMA KULELI
U-Owen Da Gama uthathwa njengomunye wabaqeqeshi ababizwa uma kukubi bezolungisa izinto futhi abanolwazi olunzulu ngebhola laseNingizimu Afrika.
Ekuqaleni kuka-2025, ukhiphe iMagesi FC gade igaxele ezindaweni zezembe, wayiqedisa endaweni ka-13 ngesizini edlule.
Umsebenzi wakhe uhlanganisa amahlandla abe yimpumelelo kwiSilver Stars, iHighlands Park, neTS Galaxy.
Njengoba esevele eke waqeqesha amaBhakabhaka, ukuya eNaturena kungamenza abe ngomunye wabaqeqeshi abambalwa abawaqeqeshe womabili lamaqembu aseSoweto.
ISIMO SECHIEFS
Ukuphawula kukaDa Gama kuza ngesikhathi sokuqagela okukhulu ngekusasa lethimba labaqeqeshi kwiChiefs.
UCedric Kaze noKhalil Ben Youssef babekelwe umbandela onzima ngabaphathi beqembu wokulibuyisela kwiCaf Champions League.
Ngaphezu kwalokho, abaphathi baveze ukuthi ngeke besaqhubeka nohlelo lwabaqeqeshi abasebenza ngokubambisana ngesizini ezayo.
Lokhu sekuvule umnyango wamagama afana noJose Riveiro futhi manje u-Owen Da Gama ukuba amataniswe nalesi sihlalo esishisayo.
FUNDA NALA | OweCasric waqala ena-8 ukuba neqembu
U-Owen Da Gama “unokuqina” umqeqeshi wangaphambilini weChiefs u-Ernst Middendorp asanda kukubalula ngokuthi kubalulekile ekuqeqesheni iChiefs.
EZISHISAYO: Cofa lapha usithole kuWhatsApp
Estimated reading time: 2 minutes
Key Takeaways
- Owen Da Gama expresses interest in coaching Kaizer Chiefs, considering it a prestigious opportunity.
- He acknowledges the challenge of coaching Chiefs, yet finds it exciting.
- Da Gama has a rich coaching background, previously working with Orlando Pirates and Bafana Bafana.
- Currently, he is not attached to any team after a stint with Black Lions FC in Botswana.
- Speculation arises about potential coaching changes at Chiefs, with Da Gama being a notable candidate.
