Okusha ngekusasa likaMonnapule Saleng kwiPirates

UMonnapule Saleng usazohlala kwi-Orlando Pirates. Leli qembu alinazo izinhlelo zokumdayisa. 

Ukungabi bikho kwakhe ohlwini lwabadlali abaqala imidlalo muva nje akuhlangene nokungaphatheki kahle kwakhe.

Kuke kwanemibiko ethi lo mdlali umathile kundela ukuthi engakwazanga ukuya kwi-Al Ahly ebimfuna.

Ngonyaka odlule kube nezinkulumo zokuthi uSaleng ufuna ukushiya kwiPirates. Muva nje, amahlebezi aqale phansi. 

U-Peter du Toit we-SoccerBeat kuleli sonto ukuqinisekisile ukuthi i-Al Ahly ifake isicelo esisemthethweni kwiPirates ifuna uSaleng. 

Kuthiwa ubebona ithuba lokuyodlala kwi-Al Ahly njengethuba lokukhula ebholeni, edlala eqenjini elihlonishwayo e-Afrika.

IPirates ayizange isichithe leso sicelo. Kuthiwa ize yamlungisela ne-visa yakhe ukuze akwazi ukuya e-Egypt.

Nokho izinto zivele zabheda uma i-Al Ahly isihoxa kulandela ukuthi ingakwazanga ukudayisa uPercy Tau ukuze ithole imali yokulanda uSaleng. 

USaleng bekufanele athathe indawo kaTau, kodwa kwathi uma uTau eseya kwiQatar SC, i-Al Ahly yahoxa. 

Manje kuvela ukuthi yize ephuthelwe yileli thuba abesezitshelile ngalo, uSaleng usazinikele kwiPirates. 

Imithombo esondelene neqembu ithi uzilolonga kanzima neqembu futhi ulinde ithuba lakhe. 

Kuthiwa ayikho le yokuthi uzicija neqembu lenkulisa.

Amahemuhemu aphinde athi uSaleng ubengazilolongi neqembu ngaphambi komdlalo wePirates naMaZulu FC. 

Nokho iPirates isaqhubeka nokumeseka. Imibiko ibithi uSaleng akaneme ngenkontileka yakhe. 

Kodwa ngokubika kweSNL, umuntu ongaphakathi kwiPirates ugcizelela ukuthi ngamampunge lawo futhi uSaleng usajabule ekilabhini. 

• OLUNYE UDABA: Usekhonjwe indlela uMalisela, kuvela ozothatha umsebenzi

Kuvela ukuthi ikusasa lakhe kwiPirates lisaqhakazile, futhi angase abuyele eqenjini eliqala imidlalo maduze. Abalandeli kuzofanele balinde babone.