Kuphinde esango-2010 kwiBafana iqhathwa kwiNdebe yoMhlaba

Iqembu lesizwe lakuleli, iBafana Bafana izophinde ivule iNdebe yoMhlaba njengoba ibuyela kuyo okokuqala kusukela ngo-2010 la eyayingosokhaya khona.

Elakuleli liphinde laqhathwa kuGroup A, la kukhona khona iMexico ezobe ingosokhaya kulo mqhudelwano ka-2026.

IBafana Bafana izophinde ibhekane neMexico – engelinye lamazwe amathathu okuzobanjelwa kuwo lo mqhudelwano ngoJuni wonyaka ozayo.

Nango-2010, kwaba yilamazwe avula iNdebe yoMhlaba emdlalweni owawuseFNB Stadium la uSiphiwe “Shabba” Shabalala azakhela khona igama ebholeni lomhlaba.

Leli nxele lashaya elihle igoli elaba ngelokuqala kulo mqhudelwano owawubanjelwe e-Afrika okokuqala ngqa.

Nokho iMexico yakwazi ukubuya ilinganise, umdlalo waphela zibambene ngo 1-1, okwakuyisiqalo esihle kwiBafana.  

Njengango-2010, umdlalo wokuqala weNdebe yoMhlaba uyoba ngoJuni 11 kanti uzoba seMexico City Stadium. 

Lesi akuzoba yisiqalo esilula kwiBafana Bafana kaHugo Broos obekhona emcimbini wokuqhathwa kwamazwe e-US ngoLwesihlanu.

Iqembu lesine eqoqweni leBafana lisazocaca ngonyaka ozayo uma sekuqedelwa imidlalo yokuhlunga yase-Europe.

Amazwe azodlala kule midlalo yokuhlunga yiCzech Republic or Ireland v Denmark or North Macedonia. 

FUNDA NALA | IChiefs igaqele owe-Arrows

Lime kanje selilonke iqoqo leBafana:

• Mexico
• South Africa
• South Korea
• Winner PlayOff D

ZITHOLE ZISHISA: Cofa lapha usithole kwiWhatsApp Channel yethu