Kunconywa uMakalima ngekhadi alikhiphe koweChiefs
Owayengunompempe wePSL uVictor Hlungwani uncome u-Akhona Makalima ngobuqhawe bakhe.
UMakalima ukhiphe ikhadi elibomvu ngesikhathi somdlalo weKaizer Chiefs neSekhukhune United.
Bekungumzuzu ka-84 ngesikhathi iBabina Noko izithola seyisele nabadlali abangaphelele.
UVuyo Letlapa ukhishwe ngekhadi elibomvu ngenxa yokudlalisa kabi uMfundo Vilakazi.
Lokhu kwenzeke ngemuva kokuthi unompempe emise umdlalo ngenxa yokuthi bekukhona umdlali olimele.
IChiefs isebenzise leli thuba njengoba uMfundo Vilakazi eshoshele phambili wafike washaya igoli abanqobe ngalo lo mdlalo obuseMoses Mabhida Stadium.
Ekhuluma kwiSoccerzone ngoMsombuluko, uHlungwani uncome uMakalima.
Uncome isibindi sakhe ngokuthatha isinqumo ebesingasusa umsindo.
“Buka manje, uVuyo Letlapa wenzani kuMfundo?
“UMfundo uzama ukudlula kuye kodwa umdlalo umile,” kuchaza uHlungwani.
“Uma wenza okuthile lapho umdlalo umisiwe, unompempe uzokujezisa ngokuziphatha okunobudlova.
“Uzobona lapho uLetlapa ekhahlela uMfundo, ngakho uma emkhahlela, ngokomthetho webhola, sikubiza ngobudlova.
“Umdlali kumele akhishwe ngekhadi elibomvu ngoba umdlalo aumile, ibhola alisadlalwa.
“Ngakho-ke lapha uzobona uma emkhahlela khona ibhola alisadlali. Ngakho, leli yikhadi elibomvu eliqondile.
“Ngakho-ke, ukuxhumana phakathi kukanompempe nomsizi wakhe kwabonakala ukuze (uMakalima) afinyelele esinqumweni esithembekile.”
