IDUT izosingatha izifundo zabaqeqeshi eMsunduzi
IDurban University of Technology (DUT) isizosingatha iMsunduzi Coaching Workshop okuhloswe ngayo ukuthuthukisa ukuqeqeshwa kwabadlali abasebancane.
Lezi zifundo zizoba ngeSonto lika-Agasti 16, eDUT Indumiso Campus eMgungundlovu.
Ukubhalisa kuzoqala ngo-8.30 ekuseni, kanti abaqeqeshi bazokhokha u-R150 emunye ukuze bangene kulezi zifundo.
Lezi zifundo zizokwethulwa ngumqeqeshi wentsha owaziwayo, uZipho Dlangalala.
Izogxila kakhulu ekutheni abaqeqeshi bangasebenzisa kanjani izifundo ezitholakala ebholeni lamazwe omhlaba ukuthuthukisa abadlali abasebancane.
UDlangalala uzobheka nezifundo eziphuma kwiNdebe yoMhlaba yakamuva, enqotshwe yiSpain.
Kuzophinde kubhekwe imiqhudelwano yeFIFA Under-17 ne-Under-20 World Cup yango-2025.
Inhloso wukuguqula lezi zifundo zibe yizindlela ezisebenzayo ezingasetshenziswa abaqeqeshi emiphakathini nasezinhlelweni zokuthuthukisa intsha.
Kuzoxoxwa nangendlela abadlali abasuka ku-Under 17 baye ku-Under 20, bese bedlulela ebholeni labadala.
Lezi zifundo zibhekiswe kubaqeqeshi abafuna ukujulisa ulwazi lwabo nokuqonda indlela ibhola lesimanje elidlalwa ngayo.
Abaqeqeshi abafisa ukuya kuzo bangaxhumana no-Amanda Mbanjwa ku: 067 903 9641 noma uNcube Ndaba ku: 083 560 2246.
Eminye imibuzo ingathunyelwa ku: michealm@dut.ac.za.
- FUNDA NALA | UMyeni ushaya amakhala ngo-Ouaddou
Lezi zifundo ziza ngesikhathi ibhola laseNingizimu Afrika liqhubeka nokugcizelela ukubaluleka kokuthuthukisa abaqeqeshi nokwakha indlela eqinile yokukhulisa amathalente abadlali abasebancane.
- EZISHISAYO|Â Cofa lapha usithole kuWhatsApp
