IBucs iyaqhugela, iDowns izibophele zonke izibabuli

I-Orlando Pirates izobe ingenabo abadlali ababili abamqoka njengoba izobhekana neMamelodi Sundowns ngoMgqibelo emdlalweni weBetway Premiership obhekwe ngabomvu.

Ithimba lodokotela kwiBucs likhiphe uThabiso Sesane noThalente Mbatha ukuthi bangadlali kulo mdlalo.

USesane ukhishwe ngemuva kokuphuka umsipha ngesikhathi iPirates inqoba kanzima ngo 2-1 ihlula iSekhukhune United phakathi nesonto. 

Ukulimala okwenzeke ekuqaleni komdlalo kushiye lo mdlali osemncane wasemuva edinga ukuhlinzwa.

Khonamanjalo, uMbatha, ongumdlali wasesiswini nakwiBafana Bafana, naye akadlali ngemuva kokutholakala engakulungele ukudlala. 

UMbatha naye uthole ukulimala emdlalweni ofanayo neSekhukhune, kulandela ukushayisana nomdlali kade ezama ukukhahlelela ipali.

• OLUNYE UDABA: UTeko ubona oweDowns neBucs ungaphezulu kweSoweto Derby

Ngakolunye uhlangothi iSundowns ibophele isikimu esiqine kakhulu lokubhekana namaBhakabhaka kulo mdlalo okulindeleke ukuthi ube sezingeni eliphezulu. 

Nansi indlela womabili amaqembu abophele ngayo: 

Sundowns: Williams -Suarez, Kekana, Mokoena – Adams, Allende, Ribeiro, Modiba – Shalulile, Rayners, Morena

Pirates: Chaine – Mako, Van Rooyen, Xoki, Sibisi – Dlamini, Maswanganyi, Makhaula – Hotto, Mofokeng, Makgopa