I-Orlando Pirates isilikhiphile elizobhekana neGranada CF
I-Orlando Pirates isilikhiphile iqambe elizoqala emdlalweni wayo wesine wobungani wokulungisellea isizini.
Lezi zikhondlakhondla zaseSoweto zizobhekana neqembu laseSpanish Segunda División iGranada CF ngoMgqibelo ebusuku.
I-Orlando Pirates ayinanqobi emidlalweni emithathu esayidlalile kulolu hambo lwayo lwaseSpain ngaphansi komqeqeshi omusha u-Abdeslam Ouaddou.
Ivule ngokuhlulwa ngo 2-0 yiqembu le-English Championship, iBolton Wanderers ngesonto elidlule.
Kulandele ukudlala ngokulingana ngo 1-1 neqembu laseCyprus iPafos FC kwase kuba ngomunye umdlalo ophele zibambele ngo 0-0 neLas Palmas.
Naphezu kokunganqobi, umqeqeshi osanda kuqokwa u-Ouaddou ubonakala egxile ekuhlanganiseni iqembu ngokuzama abadlali abahlukene.
Lo mqeqeshi usahlola nezindlela zokudalla ezintsha, futhi uhlanganisa nabadlali abasha esakhiweni seqembu.
Emdlalweni weGranada, u-Ouaddou usephinde waqala ngeqembu elihlanganise abadlali abanamava nabasebancane.
- Abaqalayo: Chaine – Xoki, Mbokazi, Seema, Mashiloane – Selepe, Mbule, Kwayiba, Moremi, Kimvuidi – Radiopane.
- Ebhentshini: Dladla, Buthelezi, Sibisi, Ndaba, Lebitso, Hotto, Van Rooyen, Shandu, Mbatha, Nduli, Dansin, Dlamini, Maswanganyi, Masindi, Relebohile Mofokeng, Mabasa, Makgopa, Mbuthuma.
Ukufakwa kukaMofokeng ebhentshini kuyaphawuleka, ikakhulukazi njengoba emataniswa neqembu laseSaudi Arabia i-Al-Ettifaq.
Imibiko iveza ukuthi uMofokeng uzojoyina uMohau Nkota osevele uwki-Al-Ettifaq. UNkota ujoyine leli qembu ngempelasonto edlule.
I-Orlando Pirates isaqhubeka nokulungisa isikwati sayo ngaphambi komkhankaso weBetway Premiership ka-2025/26.
Uhambo lwaseSpain lunikeza ulwazi olubalulekile nokugqugquzela ukuqina kweqembu libhekene nezimbangi ezisezingeni eliphezulu.
WINA! GCWALISA IFOMU NGEZANSI UZIWINELE IJEZI LEQEMBU LAKHO
