Ezithembisayo ngoPhili ofunwa yiChiefs
Sekunoguquko oluhle emzamweni we-Kaizer Chiefs wokusayinisa umdlali wasophondweni weStellenbosch FC, uLangelihle Phili.
Kuvela ukuthi sesikhona isivumelwano phakathi kwalamaqembu, futhi sekuqedelwa imicikilisho embalwa.
Ngokubika kweSABC Sport, izingxoxo zisheshe kakhulu kuleli sonto ngemuva kokuthi iChiefs ithuthukise isicelo sayo.
Lokhu ikwenze ngemuva kwemizuliswano eminingi yezingxoxo ebezihlanganisa ukushintshelana ngabadlali nemali.
Phambilini bekukhulunywa ngokufakwa komgadli u-Ashley du Preez nomunye umdlali esivumelwaneni, kodwa iStellenbosch ibingakafuni ukudedela uPhili.
Bekukholakala ukuthi leli qembu belifisa ukuthi adlulele phesheya noma aqedele inkontileka yakhe.
Nokho, sekubikwa ukuthi izinhlangothi zombili sezivumelene ngezinto ezisemqoka zesivumelwano.
Nokho kusasele imininingwane embalwa okufanele ilungiswe ngaphambi kokuthi kuphothulwe konke.
Uma konke kuhamba kahle, i-Kaizer Chiefs izoba sethubeni elihle lokuqedela ukusayinisa lo mdlali ngaphambi kokuvalwa kwewindi lokudayiselana ngabadlali ngoSepthemba.
Kubikwa ukuthi uPhili uthakaselwa kakhulu umqondisi waleli qembu uKaizer Motaung Jr nomqeqeshi uFernando Da Cruz.
- FUNDA NALA | IPirates isimtholile ebimfuna kwiStellies
Lo mqeqeshi ufuna umdlali wasophikweni okwazi ukudlala nasekuhlaseleni ngemuva komgadli.
Nakuba kungakabi bikho isimemezelo esisemthethweni, i-Kaizer Chiefs ibukeka isihamba phambili emjahweni wokusayina omunye wabadlali abahlonishwa kakhulu kwiBetway Premiership.
- EZISHISAYO|Â Cofa lapha usithole kuWhatsApp
