ElaseGhana lisha amashushu ngo-Eric Tinkler

Imibiko yakamuva iveza ukuthi umqeqeshi waseNingizimu Afrika u-Eric Tinkler usesondele kakhulu ekutholeni umsebenzi wokuqeqesha elinye lamaqembu amakhulu eGhana. 

UTinkler useke waqeqesha amaqembu afana ne-Orlando Pirates, iCape Town City neSuperSport United kanti muva nje ubekwiSekhukhune United.

Manje sekuvela ukuthi sekuseduze asayine isivumelwano ne-Asante Kotoko, elingelinye lamaqembu amadala nahlonishwa kakhulu eGhana nasezwenikazi lonke lase-Afrika.

Ngokombiko weSoccer Beat, izingxoxo phakathi kukaTinkler nabaphathi be-Asante Kotoko sezisezigabeni zokugcina. 

Lesi kuyoba yisinyathelo esikhulu emsebenzini ka-Eric Tinkler wokuqeqesha njengoba i-Asante Kotoko inabalandeli abangaphezu kwezigidi ezinhlanu eGhana.

• FUNDA NALA | ElaseLimpopo lithenga isitifiketi sePSL

UTinkler oneminyaka engu-51 ubudala unamagalelo amakhulu ebholeni laseNingizimu Afrika, futhi ulwazi lwakhe lungamsiza kakhulu kuleli qembu.

Isimemezelo esisemthethweni ngokuthi uyaqashwa kuleli qembu kulindeleke ukuthi senziwe maduze nje.

• EZISHISAYO| Cofa lapha usithole kuWhatsApp