Ayinasitobha ebhentshini iKaizer Chiefs kowe-Orbit
Ukulinyalelwa nokumiswa kwabadlali – ikakhulukazi abasemuva – sekuphinde kwaphoqa izinguquko emuva kwiKaizer Chiefs.
IKaizer Chiefs iseGqeberha la lizobhekana khona ne-Orbit College emdlalweni weBetway Premiership ngoMsombuluko ntambama.
Abadlali evamise ukuqala ngabo emuva, oZitha Kwinika no-Inacio Miguel abekho kulo mdlalo, okuyenza ingaqini kahle emuva.
Empeleni nje indlela isimo esibi ngayo, ayinaye umdlali wasemuva maphakathi nenkundla ebhentshini.
Uma kungenzeka kulimale oyedwa phakathi kuka-Aden McCarthy noGiven Msimango kungaba nenkinga enkulu.
Izitobha ezikhona ebhentshini ngoReeve Frosler noPaseko Mako kuphela, kanti nabo badlala ezinhlangothini hhayi maphakathi.
UMiguel umisiwe kulandela ukuthola amakhadi aphuzi amane kanti Kwinika yena usalimele.
Ibophele kanje iKaizer Chiefs (4-3-3): Bvuma – Cross, Monyane, Msimango, McCarthy – Ngcobo, Mmodi, Maboe – Lilepo, Shabalala, Duba
Ebhentshini: Mazhamba, Frosler, Mako, Mthethwa, Ndlovu, Chislett, Da Silva, Vilakazi, Velebayi
