AbeBucs sebenze njalo ngamathikithi, sekusele kubadlali bangaphoxi
Kucacile ukuthi uMgqibelo, ka-16 Agasti usubhekwe ngabomvu — futhi i-Orlando Stadium izophinde igcwale phama.
Okwesibili kulo mkhankaso weMTN8, abalandeli be-Orlando Pirates baphendule ngamandla esicelweni seqembu labo ngokuleseka.
Amathikithi angu-37 000 alo mdlalo womlenze wokuqala kweyandulela owamanqamu asedayiswe aphela kusasele izinsuku ezinhlanu udlale.
Le nkundla yodumo izobe ihlobe ngemibala omnyama nomhlophe weBhakabhaka, nephuzi yeundowns.
Lokhu kuwubufakazi bothando olungapheli lwamaqembu abo okukhonjiswa ngabalandeli bebhola baseNingizimu Afrika isonto nesonto.
Lokhu kungaphezu nje kokugadulisana kwamaqembu amabili amakhulu, kodwa sekufana nomdlalo omkhulukazi ebholeni lakuleli.
Umlando phakathi kwalezi ziqhwaga ezimbili emdlalweni yeMTN8 yakamuva uvuna iPirates, ka uvamise ukushiya izinkumbulo ezingasoze zalibaleka.
I-PSL ikuqinisekisile ukudayiswa kwamathikithi ngoMsombuluko ntambama, okungokwesibili kule sizini ngemuva komdlalo womzuliswano wokuqala iPirates ibhekene nePolokwane City.
Abalandeli sebethumele umlayezo ocacile: bona sebekulungele ukwenza owabo umsebenzi wokweseka amaqembu abo.
Manje sekusele kubadlali ukuthi nabo benze laba balandeli baziqhenye ngokwenza kahle kulo mdlalo obaluleke kangaka kubo.
Nokho, ngaphambi kwalo mdlalo osezingeni eliphezulu, womabili lamaqembu anemidlalo yeBetway Premiership ngoLwesibili.
IPirates izobe ibheke ukugez aigama nokubuyisa ukuzethemba ngemuva kokushaywa ngo 2-0 yiSekhukhune United ngempelasonto.
Izovakashela iMarumo Gallants – eshaye iRichards Bay ngo 2-1 ekuhambeni – eBloemfontein ngoLwesibili ngo-7.30 ebusuku.
FUNDA NALA | UVUDUDU SELUSHIYILE KWIPIRATES
ISundowns yona izobe iphokophele ukuthola okungaphezu kwephuzu elilodwa elithole ibambana ngo 1-1 neChippa United ngempelasonto.
Yona izosingatha AmaZulu FC eLucas Moripe Stadium ngawo uLwesibili ngesikhathi esifanayo.
Kodwa ke akungabazeki azothi edlala lemidlalo yangoLwesibili, izingqondo zibe zibheke lowangoMgqibelo.
