‘Uvalelise’ ngegoli elijuqe uHunt okhonjwa kwezaseSoweto
Siya ngokushuba isimo kwiSuperSport United ehlulwe emdlalweni weBetway Premiership okwesibili kulandelana.
EzikaGavin Hunt zishaywe ngo 1-0 yiPolokwane City eLucas Moripe Stadium ngoLwesihlanu ebusuku.
Ngesonto eledlule, iSuperSport ihlulwe ngo 3-0, ishaye yiSekhukhune United enkundleni efanayo.
U-Andy Boyeli nguye owaqeda ngaMatsatsantsa a Pitori njengoba eshaye momathathu amagoi eBabina Noko kulo mdlalo.
IPolokwane City yengeze ezinkingeni zeSuperSport ngegoli elishaywe u-Oswin Appolis esiwombeni sokuqala.
Lo mphumela ushiya iSuperSport isendaweni ka-10 kwilogi ngamaphuzu angu-16 ngemuva kwemidlalo engu-14.
Igoli lika-Appollis kungenzeka kube ngelokugcina azolishaya kwiPolokwane City ezinze eLimpopo.
Lo mdlali onekhono elihle usehehe amehlo amanye amaqembu kanti kumanje umataniswa ne-Orlando Pirates neKaizer Chiefs.
Imibiko iveza ukuthi iPirates ihamba phambili kulo mjaho wokusayina u-Appolis.
Kubikwa ukuthi leli qembu selibeke imali kanye noNdabayithethwa Ndlondlo noma uZakhele Lepasa ukuze icibuze amagade kwiPolokwane City.
Ukuthi u-Appolis uzoqhubeka kwiRise and Shine noma uzoya kwenye yezinkunzi zaseSoweto yindaba esegudwini kulezi zinsuku.
