Usephenduke ‘iGibhithe’ uPitso Mosimane kwabe-Ahly

Njengoba kukhula ukukhathazeka ngomqeqeshi we-Al Ahly uMarcel Koller, igama likaPitso Mosimane kuthiwa selike lavela kokucatshangelwa kubo. 

UPitso Mosimane ube nempumelelo enhle eminyakeni emithathu ayisebenze kuleli qembu elinempumelelo ukuwedlula wonke ezwenikazi.

Yize engahambanga kahle kuleli qembu, uPitso Mosimane usengomunye wabaqeqeshi abalandeli ababakhumbulayo uma izinto zingahambi kahle.

Kodwa owayeyisihlabani se-Al Ahly uHesham Hanafy usephawulile ngale mibiko ematanisa uMosimane nokubuyela kule kilabhu.

Umqeqeshi wamanje uMarcel Koller uthole ukugxekwa emasontweni edlule ngokungadlali kahle kweqembu kwiPremier League nakwiCaf Champions League.

Kuke kwaba nemibono yokuthi uKoller achithwe ngaphambi komdlalo wale mpelasonto neMamelodi Sundowns.

I-Al Ahly izobhekena neSundowns emlenzeni wokuqala womdlalo owandulela owamanqamu weChampions League eLoftus Stadium ngoMgqibelo. Umdlalo uqala ngo-3 ntambama.

Khonamanjalo, kube nemibiko ekuqaleni kwaleli sonto mayelana nokuthi uPitso Mosimane usohlwini lwabaqeqeshi abazovala isikhala sikaKoller.

Nokho uHanafy usephumele obala waziphika lezo zinsolo ngalo mqeqeshi waseNingizimu Afrika.

“Ukukhuluma ngokubuya kukaMosimane njengomqeqeshi kwi-Al Ahly yingxoxo nje esabalele eqenjini,” kusho uHanafy ngokubika kweYsscores.

UKoller akazange achithwe futhi ufike ne-Al Ahly eNingizimu Afrika ngasekupheleni kwaleli sonto ukuzodlala neSundowns.

Kodwa lo mqeqeshi waseSweden ususe izinkulumo ngesikhathi eshiya ngemuva umakadebona wasemuva u-Ali Maaloul eqenjini lakhe.

Uvele ke ubhekene nezinsolo zokuthi kukhona abadlali angasezwani nabo eqenjini, okungenye yezinto ezimdalela amazinyo abushelelezi.

• FUNDA NALA | U-Itumeleng Khune uveza okumdumaza ngoBruce Bvuma

“Kunemibuzo mayelana nokushiywa kukaMaaloul ohambweni lwe-Al Ahly lokuyobhekana neSundowns,” kuvuma uHanafy.

• SIBAMBE NAKU-FACEBOOK | Lisenethini.co.za

Kodwa uthe okwamanje akukho okusemthethweni osekunqunywe yiembu ngoMosimane noma ngoKoller.