UDa Cruz udalula akufunde ngeChiefs eSpain
Umqeqeshi omusha weKaizer Chiefs, uFernando Da Cruz, uthi ufunde okuningi ngeqembu lakhe ngesikhathi lizilolongela eSpain.
Amakhosi abuyele eNingizimu Afrika ngoMsombuluko ngemuva kokuchitha amasonto amabili phesheya.
Ekhuluma ngemuva kokubuya kuleli, uDa Cruz uthe le khempu ibasizile kakhulu.
“Izimo bezizizinhle kakhulu yize besibhekene nokushisa okukhulu,” kusho uDa Cruz.
“Lokho kwenza kwaba nzima ukudlala imidlalo emithathu ezinsukwini eziyisithupha.
“Nokho, sikwazile ukuncintisana namaqembu asezingeni eliphezulu.”
UFernando Da Cruz uthi le midlalo imsize ukuthi alifunde kangcono iqembu azosebenza ngalo kwi-Kaizer Chiefs.
“Lokho kusinike ithuba lokufunda izinto eziningi ngeqembu,” kuqhuba yena.
Uthe abadlali bakhombise ukuzimisela okukhulu ngesikhathi bekule khempu.
“Isimo eqenjini besisihle kakhulu. Ubudlelwano phakathi kwabadlali nethimba labaqeqeshi bebubuhle.
“Senze inqubekela phambili enhle ekulungiseleleni isizini entsha,” kwengeza yena.
Umqondisi weChiefs, uKaizer Motaung Jr., uthe inhloso yalolu hambo ibe ukuphuma endaweni ejwayelekile.
Uthe ikhempu iphinde yasiza ukuhlanganisa ithimba elisha labaqeqeshi.
Amakhosi manje alungiselela umdlalo weToyota Cup la ezobhekana khona neScottland FC yaseZimbabwe ngeSonto.
- FUNDA NALA | Isethubeni elihle kwiBucs indodana kaDJ Cleo
Lo mdlalo uzokhombisa abalandeli be-Kaizer Chiefs ukuthi uFernando Da Cruz ubaphatheleni ngesizini ezayo.
Ngemuva komdlalo wangeSonto, izobe seyilungiselela ukuqala kwesBetway Premiership la izobhekana khona neKruger United eMbombela ngo-Agasti 1.
- EZISHISAYO| Cofa lapha usithole kuWhatsApp
