UDuba uvimbe iStellies isiphoxa eNaturena
IKaizer Chiefs inqobe okokuqala ngo-2025 ihlula ngo 2-1 iStellenbosch FC eFNB Stadium ngoLwesithathu ebusuku.
IStellies iyona eshaye igoli kuqala, yahamba phambili ngomzuzu ka-20 ngesikhathi uKhomotjo Lekholoane esebenzisa iphutha leChiefs.
UWandile Duba ubuyisele Amakhosi emdlalweni ngomzuzu ka-28, engqofela enethini ibhola ebeligotshwe uThatayaone Ditlhokwe.
UDuba ube eseshaya elesibili ngomzuzu ka-57 ngemuva kokugqashula kumgogo obucushwe yiStellies.
Yize iStellies izamile ukubuya, ifice iChiefs ingenawo umusa njengoba beyingafuni ukuphoxa kudliwa eNaturena.
Phela kuleli sonto iChiefs ihlanganisa iminyaka engu-55 yasungulwa.
