Uban’ikhehla! UDiyo Sibisi uvuke ngeqembu elisha ena-43
Umsebenzi webhola kuyaye kuthiwe ngowesikhashane, kodwa kunadlali abambalwa njengoDiyo Sibisi uyakwazi ukuqhubeka isikhathi eside.
Eminyakeni lapho abadlali abaningi bewabeka ethala amakhokho uma sebefike kuyo, lo mgadli oneminyaka engu-43 ubudala uthole ikhaya elisha.
Usayine inkontileka neDlangezwa Hellenic edlala esigabeni se-ABC Motsepe League saKwaZulu-Natal.
Lo mnyakazo wakhe wakamuva uwubufakazi bomdlali osazimisele ukuqhubeka isikhathi eside nomsebenzi webhla ezingeni elincintisanayo.
UDiyo Sibisi, owazalelwa eSahlumbe, waqala ukugqama kwiFree State Stars, lapho ikhono lakhe lokushaya amagoli lamenza wadlulela kwiMamelodi Sundowns ngo-2009.
Isikhathi sakhe kumaBrazilians saba sifushane, kodwa waqhubeka nokusebenza emakilabhini amaningi, okuhlanganisa i-Ajax Cape Town neMaritzburg United, naseVietnam.
Kulo mdlali, obesebholeni elikhokhelayo kusukela ngo-2006, ukukwazi ukuhlala isikhathi eside akumangalisi neze.
WINA | Ithuba lokuwina neVicks neLisenethini
Ikhono lakhe lokuhlala eqatha futhi ekulungele ukudlala ngokuqhubeka nokudlala ezigabeni eziphansi kuwubufakazi bokuzinikela nothando lwakhe lwebhola.
Manje usejoyine ikilabhu yakhe yeshumi emsebenzini wakhe, futhi cishe akakaqedi.
Isimemezelo sokusayinwa kakhe senziwe yiDlangezwa Hellenic kuleli sonto, kanti sisuse isasasa njengoba abaningi bezibuza ukuthi ngabe uzoqhubeka aze abe mngakanani.
FUNDA NALA | Ulibophele kanje u-Ouaddou eleBucs
Kodwa kuDiyo Sibisi, akukhona mayelana neminyaka; kumayelana nothando lwebhola, nokwenza into ekuthokozisayo.
Ubuyele enkundleni, ulungele ukufakazela ukuthi iminyaka ayisho lutho nokuthi uthando lweqiniso lwalo mdlalo alupheli.
