UShabalala ufuna ukukhuthaza iChiefs ngomfutho weBafana
Njengoba esanda kudlala okokuqala kwiBafana Bafana enkulu, uMduduzi Shabalala usejoyine iKaizer Chiefs eDemocratic Republic of Congo.
Amakhosi ekuleliya lizwe ukuyodlala umdlalo womlenze wokuqala wesigaba sesibili sokuhlunga kwiCaf Confederation Cup ne-AS Simba ngoMgqibelo.
Lo mdlali oneminyaka engu-21 ubudala ungene esuka ebhentshini ngomzuzu ka-88 iBafana Bafana inqoba ngo 3-0 ihlula iRwanda, okuwumphumela oyifake kwiNdebe yoMhlaba ka-2026.
“Bekuyisikhathi esihle kakhulu kimina,” kusho uMdu Shabalala kwiKaizerChiefs.com. “Yiphupho lawo wonke mdlali ukumela izwe.
“Ngiyalibonga ithuba engilinikiwe nazo zonke izinyathelo ezingiholele kulokho.”
Manje, lesi sihlabani esincane sifuna ukuqhubeka nomfutho esiwuthole eqenjini lesizwe nakulo mdlalo obalulekile weChiefs eLubumbashi.
“Ngokusobala, wumdlalo omkhulu,” kuqhuba yena. “Kudingeka siwine ukuze singene esigabeni esilandelayo.
“Ngeke kube lula ekuhambeni, kodwa ingcindezi ikubo. Uma sishaya amagoli, sizoba nethuba elihle kakhulu emlenzeni wesibili.”
WINA | Imali yokuqala ibhizinisi lezemfashini neNikNaks
IKaizer Chiefs izobhekana nezimo ezinzima — inkundla enotshani bokwakhiwa nokushisa okukhulu — kodwa uMdu Shabalala akathukile.
“Siyazi ukuthi kuzoba nzima, kodwa sike sadlala esimweni sezulu esishisayo ngaphambilini. Kufanele nje sizijwayeze izimo bese senza umsebenzi.
“Ekupheleni kosuku, kumayelana nokuthi sinqobe umdlalo,” kwengeza lo mdlali ongaconsi phansi kubalandeli.
Umlenze wokuqala uzoqala ngo-3 ntambama ngoMgqibelo e-TP Mazembe Stadium, kanti owesibili uzoba ngeSonto, lika-Okthoba 26 eDobsonville Stadium.
FUNDA NALA | Umlingisi ongumlandeli weChiefs uphawula nokushutha nabeBucs
Elizonqoba sekuhlanganiswe imiphumela lizodlulela esigabeni samaqoqo okuyisigaba wonke amaqembu abheke ukufika kuso.
- Ibophele kanje iChiefs kulo mdlalo(4-1-4-1): Petersen – Solomons, Cross, Kwinika, Miguel – Mthethwa – Lilepo, Mmodi, Ndlovu, Ngcobo – Mayo
- Ebhentshini: Bvuma, Frosler, McCarthy, Cele, Shabalala, Vilakazi, Sirino, Du Preez, Duba
