URiveiro uveza okwenza amethembe uChaine kumaphenathi
Umqeqeshi we-Orlando Pirates u-Jose Riveiro ubezipholele nje futhi ebukeka engakhathazekile ngesikhathi iqembu lakhe lishaya amaphenathi kwiNedbank Cup.
Ngenkathi cishe wonke umuntu oseduze kwakhe egxuma futhi egubha lapho beyivalela enethini iphenathi, noma uSipho Chaine eyivimba, uJose Riveiro ubezipholele.
Hhayi-ke, ukuziphatha kwakhe okujwayelekile vele ukuzipholela, kodwa kunakeke kakhulu kule ngxenye yengcindezi ephezulu yomdlalo.
Unozinti uSipho Chaine ube yiqhawe sekukhahlelwa amaphenathi, wavimba amabili kanti uJose Riveiro uthi bekulindelekile lokho.
- SILANDELE KU-FACEBOOK | Cofa la, Lisenethini.co.za
AmaBhakabhaka abebonakala ezongena egijima kowandulela owamanqamu.
Nokho, igoli lokulinganisa likaGape Moralo ngomzuzu ka-93 liphoqe ukuthi kuyiwe esikhathini esengeziwe.
Umdlalo uphele ngo 2-2, okuholele ekutheni indaba iyoqedelwa kumaphenathi ashubile.
UChaine uvimbe amaphenathi amabili, wasiza iPirates inqobe ngo 5-4 kulo mdlalo obusePeter Mokaba Stadium ePolokwane.
Lokhu kunqoba kugcina amathemba abo okunqoba iNedbank Cup okwesithathu kulandelana ephila.
“Emidlalweni yomkhumulajezi, kunemiphumela emibili kuphela engaba khona,” kusho uRiveiro.
“Uma ungakwazi ukuwina emizuzwini engu-120, kufanele wenze konke okusemandleni akho kumaphenathi.”
Lo mqeqeshi waseSpain uncome ukusebenza kweqembu lakhe futhi wakujabulela ukufinyelela kowandulela owamanqamu.
UJose Riveiro uncome uSipho Chaine, umqeqeshi wonozinti uTyron Damon, nomnyango wokuhlaziya ngeqhaza labo ekunqobeni.
“Kungumsebenzi wakhe kumaphenathi. Kufanele ahlale egxilile futhi avimbe okungenani eyedwa ngaphezu kwabo,” kusho uRiveiro.
- FUNDA NALA | Kuvuke upelepele ogqokweni kuBarker ‘erojwa’
“Ube muhle kakhulu ezimeni zakamuva kumaphenathi. Namuhla futhi wenze umsebenzi omuhle kakhulu, nomnyango wokuhlaziya, nomqeqeshi wonozinti…
“Nawo wonke umuntu kuleso osebenza kulokho, bamsizile ukuthi enze izinqumo ezifanele.”
IPirates isizolinda ukuqhathwa kwemidlalo eyandulela owamanqamu ezoba ngeSonto ngemuva komdlalo weDurban City neMarumo Gallants.
- ZITHOLE ZISHISA | Cofa la, ujoyine iWhatsApp Group yethu
Ngobuqhawe bukaSipho Chaine nobuholi bukaJose Riveiro, iPirates isalokhu ibukeka ingakwazi ukudla isicoco sesithathu kulandelana seNedbank Cup.
