U-Ekstein uveza okwenza axolise kwiKaizer Chiefs
Umdlali wasesiswini waMaZulu FC, uHendrick “Pule” Ekstein, usedalule ukuthi kungani abuyela eqenjini lakudala iKaizer Chiefs eyoxolisa.
U-Ekstein wathatha uhambo olunomuyu olubuyela eNaturaena eyofuna intethelelo ikakhulukazi kusihlalo weKaizer Chiefs uKaizer Motaung.
Lo mdlali oneminyaka engu-35 ubudala njengamanje uvuselele kabusha umsebenzi wakhe kuMaZulu.
UMUNYU KU-EKSTEIN
Uvumile ukuthi indlela ashiya ngayo kwiChiefs ngo-2019 ayibaga mnandi ngakho wayedinga ukuyidlulisa kahle ukuze abe nokuthula kwengqondo.
Ukushiya kuka-Ekstein cishe eminyakeni eyisithupha edlule kwathusa abalandlei baleli qembu.
Ubengomunye wabadlali abaphuma ezinhlakeni zokuthuthukisa amakhono zeKaizer Chiefs.
Nokho inkontileka yakhe yanqanyulwa kusele izinsuku ezimbalwa ngaphambi komdlalo wamanqamu weNedbank Cup ka-2019.
WAHAMBA KABI
Lo mdlalo wagcina ungomunye wengasoze yalibaleka njengoba Amakhosi aguqiswa yiTS Galaxy eyayisadlala esigabeni esiphansi.
Ekhuluma kwiGame ON yeRadion 2000 kuleli sonto, uPule ukuqinisekisile ukuthi ukushiya kwakhe kwiChiefs kwakungenxa yemali.
“Uma sikhuluma iqiniso, asizange sivumelane ngemali kwinkontileka entsha.
“Ngabona kufanele ukuthi ngifanelwe okungcono kakhulu ngoba sasisendleleni ebheke kowamanqamu.
“Lowo abawudlala ne-TS Galaxy futhi bahlulwa ngo 1-0,” kuchaza yena ngokuphuma kwakhe eNaturena.
“Kodwa uma ngikhuluma iqiniso, angifuni ukukhuluma ngalezo zindaba.
“Ngemva kwakho konke, ngaphinde ngaya eKaizer Chiefs Village ukuze ngixolise kusihlalo,” kwengeza uPule Ekstein.
UKUBALULEKA KOXOLO
Uthe isinqumo sakhe sokubuyela eNaturena ayofuna kuthelelwane amanzi kwakuyindlela yakhe yokubonga iqembu ngethuba elamnika lona.
“Ngangenzlea ukuthula, futhi ngicabanga ukuthi nabo banokuthula,” kuqhuba yena.
“Ngakho ngipholile, futhi ngicabanga ukuthi iqembu nalo lipholile.
“Indlela engangishiye ngayo iqembu ngicabanga ukuthi kwakungeyona efanele… Ngakho kwadingeka ukuba ngiyoxolisa.”
Manje useyilungu elithenjwayo leqembu lika-Arthur Zwane kuMaZulu lapho athe ufisa ukuliyeka khona ibhola elikhokhelayo.
