UDa Cruz uveza isifiso sakhe ngeKaizer Chiefs
Umqeqeshi we-Kaizer Chiefs, uFernando Da Cruz, uthi Amakhosi azongena kwisizini ka-2026/27 ehlose ukunqoba yonke indebe ezodlala kuwo.
IChiefs izoqeda amalungiselelo esizini ngomdlalo weToyota Cup la izobhekana khona neScottland FC eRoyal Bafokeng Sports Complex ngeSonto.
Ngemuva kwalokho izovula isizini yeBetway Premiership ngomdlalo wasekuhambeni neKruger United eMbombela Stadium ngoMgqibelo.
Ngemuva kokunqoba iNedbank Cup kuphela eminyakeni eyishumi edlule, uDa Cruz uthi iqembu lifuna ukulwela zonke izicoco.
“Sizongena kuwo wonke umdlalo sihlose ukunqoba,” kusho uDa Cruz.
“IBetway Premiership iwumjaho omude. Awukwazi ukuwunqoba ngoDisemba noma ngoJanuwari.
“Kodwa kufanele ube seduze namaqembu ahamba phambili ngoMarch noma ngo-April.”
UFernando Da Cruz uthi i-Kaizer Chiefs ayigxilile emqhudelwaneni owodwa kuphela.
“Kukhona neminye imiqhudelwano yezindebe. Sifuna ukunqoba wonke umdlalo nawo wonke umqhudelwano esizodlala kuwo,” kusho yena.
- FUNDA NALA | UVilakazi uveza okuhloswe Usuthu
UDa Cruz kubhekwe ukuthi abuyisele iChiefs ezinsukwini zayo zenkazimulo, njengoba abalandeli belindele ukuthi iqembu liphinde lilwele izicoco ngesizini entsha.
- EZISHISAYO| Cofa lapha usithole kuWhatsApp
