OwoSuthu akafune zaba, ufuna iwini qha kwiDurban City
AmaZulu abheke ukuvuka ngamaphuzu amathathu kwiDurban City emdlalweni obhekwe ngabomvu weBetway Premiership eMoses Mabhida Stadium ngoMgqibelo – uqala ngo-3.30 ntambama.
Usuthu luzikhotha amanxeba ngemuva kokubhuliswa amazolo kwiCarling Knockout yiMagesi FC eyawashaya ngo 3-2.
Ngaphambi kwalokho, AmaZulu adlala ngokulingana ngo 1-1 neKaizer Chiefs kanti manje ahlezi endaweni yesishiyagalolunye kwilogi ngamaphuzu angu-12 emidlalweni eyisishiyagalombili.
Ukunqoba kwiDurban City kungawadudulela emaqenjini ayisishiyagalombili aphezulu kanti umqeqeshi u-Arthur Zwane akafuni lutho ngaphandle kwewini.
“Yebo, siyiqembu elinabadlali abasebancane, kodwa kufanele senze kangcono,” kusho uZwane. “Lo mdlalo singawunqoba ngaphandle kwezaba.”
UZwane ukubeke kwacaca: njengoba sekuphelile ngephupho lendebe kwiCarling Knockout, sekugxilwe kwiligi neNedbank Cup ngasekupheleni kwesizini.
Khonamanjalo, iDurban City yona ihambela phezulu. Ihlule iPolokwane City ngo 4-1 kwiCarling Knockout, kanti yaqumba phansi iMagesi ngo 3-1 ekuhambeni emdlalweni weligi.
WINA | Imali yokuqala ibhizinisi lezemfashini neNikNaks
ICity, engaphansi kwesandla somqeqeshi ongumakadebona uGavin Hunt, ihlezi endaweni yesine ngamaphuzu angu-15 emidlalweni eyisishiyagalolunye.
Umqeqeshi wonozinti uRowen Fernandez uthi ezakhe sezikulungele ukushisa komdlalo womkhaya.
“Idabhi umdlalo okhethekile — okumele ukubambe ngezandla zombili. Konke kumayelana nokuziqhayisa ngamalungelo okuchoma eThekwini,” kusho yena.
FUNDA NALA | UShabalala ufuna ukuqhuba umfutho weBafana kwiChiefs
Womabili amaqembu awalinyalelwe ngaphambi kwalo mdlalo. Lona kuzoba ngumdlalo wokuqala osemthethweni phakathi kwaMaZulu neDurban City.
- AmaZulu abophele kanje: Johnson – Mzobe, Hanamub, Feilies, Allan – Hlangabeza, Ngcobo, Maqokolo, Ektsein – Kutumela, Mbanjwa
- Ebhentshini: Mzimela, Ncama, Radebe, Dube, Mthethwa, Zikhali, Thabede, Sithole, Mathloko
- IDurban City yona ibophele kanje: Keet – Gcaba, Mashego, Ncanana, Mkhize – Mokoena, Jurgens, Magawana, Maseko, Jodwana – Koapeng
- Ebhentshini: Mtshali, Pogoenbul, Maphathe, Nodada, Domingo, Goedeman, Lubumba, Kamatuka, De Kock
