Okwenza u-Yeye ayethembe iChiefs koweDowns
Ingwazi yeKaizer Chiefs uReneilwe “Yeye” Letsholonyane ukholwa ukuthi leli qembu lakhe lakudala lingayimangaza iMamelodi Sundowns kule mpelasonto.
IKaizer Chiefs isele ngamaphuzu angu-26 kwiSundowns kwilogi futhi idonsa kanzima ngenxa yemiphumela engemihle.
Naphezu kwalokhu, uLetsholonyane ucabanga ukuthi kukhona abangakuthola kulo mdlalo ozayo.
“Kuzoba umdlalo onzima,” kusho uLetsholonyane engxoxweni abe nayo nabeShowmax.
“ISundowns isefomini enhle, kanti iChiefs idonsa kanzima. Kodwa ngosuku lomdlalo, kumayelana nokuthi ubani osebenzisa amathuba akhe.”
Umdlalo ungoMgqibelo, ngoMashi 1 kanti izoqala ngo-3.30 ntambama eLucas Moripe Stadium.
Uzokhinjiswa bukhoma kuShowmax Premier League, ookuzokwenza ubukwe zigidi zabantu.
U-Yeye ukholwa ukuthi isimo seChiefs sokwehlelwa yifomu singayisebenzela ngoba izobe ingalindelwe ukunqoba kulo mdlalo.
“Wonke umuntu ulindele ukuthi bahlulwe. Uma behlala bezolile, balandele icebo lomqeqeshi, futhi basebenze kanzima, bangawuthola umphumela.”
Uthi inselelo enkulu yeChiefs kule sizini kube ukungawubambi umgqogqo owodwa.
“Ithimba elisha labaqeqeshi lithatha isikhathi ukuzinza. Kodwa lokho akusho ukuthi ngeke bayilimaze iSundowns ngosuku lomdlalo.”
Uphinde aphawule ukuthi iSundowns, yize ihamba phambili emjahweni wesicoco, ayikho ezingeni layo.
“Basawina, kodwa nabo bake baba nezinguquko kwezokuqeqesha. Kodwa benza kangcono.”
Ecabanga ngesikhathi sakhe edlala kwiChiefs, uYeye uthe, “Ukudlalela iChiefs kuyinto enkulu.
“Ikilabhu inomlando, isisekelo sabalandeli abaningi, nokuhlezi ibhekwe ekwenzeni izinto ezinkulu.
“Kodwa njengomdlali webhola lezinyawo, uchuma kakhulu uma ungaphansi kwengcindezi enjalo.”
