Kusuke esimathambo iGalaxy iveza ‘ihlazo leChiefs’
- Sibongiseni GUMBI
I-TS Galaxy isuse isivunguvungu ezinkundleni zokuxhumana ngesimemezelo esingatheni esifake ezinkundleni zayo zokuxhumana.
“Namuhla, sidlale umdlalo wobungani neKaizer Chiefs sanqoba ngo 3-0!” ibhale kanje iGalaxy.
Le kilabhu yaseMpumalanga kungenzeka ibihlose nje ukwazisa abalandeli bayo ngezakamuva eqenjini.
Nokho abanye babalandeli beChiefs bayibuke ngelinye iso lento.
Basale nomuzwa wokuthi lesi simemezelo besingenasidingo ngoba bekuwumdlalo wobungani, odlalwe kungekho nabalandeli.
Vele amaqembu ayazwana amandla ngalesi sikhathi sokulungiselela isizini futhi akuvamisile ukuthi bese ememezela imiphumela.
IGalaxy yengeze ngokuthi, “Abashasishayele magoli kube ngo: Puso Dithejane, Sphiwe Mahlangu, noThokozani Sibanyoni.”
Ayikho eminye imininingwane yalo mdlalo ekhishiwe, kodwa lo mbhalo ubangele ukwethuka kwabanye babalandeli beChiefs.
Sekusele amasonto amabili kuqale iligi yeBetway Premiership futhi abalandeli beChiefs bakhathazekile. Iqembu labo lidonsa kanzima.
IChiefs ihlulwe ngo 4-0 yiYoung Africans yaseTunisia emdlalweni weToyota Cup ngenyanga edlule.
Lokhu kwengeza ekukhathazekeni ngobushuntu beqembu phambili okuyinto ekhathazayo.
Ngesizini edlule iChiefs ishaye amagoli angu-25 kuphela emidlalweni engu-30 yeligi. Lokhu kuyinkinga edinga ukulungiswa.
Iqembu livele lazithulela nje ngezindaba zokusayinwa kwabadlali kulamasonto ambalwa edlule, yize kunamahlebezi ngalo.
Belimataniswa nabagadli abanegama okungoFiston Mayele noPercy Tau abadlala kwiPyramids ne-Al Ahly e-Egypt.
Nokho umqeqeshi uNasredine Nabi uwaphikile la mahemuhemu kuleli sonto.
Umphathi weqembu uGerald Sibeko yena uqhamuke nodaba oluhlukile, evuma ukuthi uzamile ukukhuluma nomunye walabagadli.
Ucashunwe kwiwebhusayithi yase-Egypt ethi bazamile ukuxhumana noTau, kodwa wangalubamba ucingo lwabo.
Abalandeli beChiefs bakhathazekile. Bafuna ukubona inqubekelaphambili nokusayinwa kwabadlali abasha.
Isimemezelo seGalaxy sandise ukwesaba kwabo ngokuthi leli qembu lisazoqhubeka nokubephula izihliziyo.
Njengoba sekusondele iligi, iChiefs kuningi okubhekwe kuyo.
OLUNYE UDABA: Azobona ngomopho azohlomekela iDowns – Cijimpi
Abalandeli bayo balindele ngabomvu ukubona iqembu elingcono kunaleli abebelibuka eminyakeni embalwa edlule.
