Konke odinga ukukwazi ngeClub World Cup
IMamelodi Sundowns, eyodlala kwiFifa Club World Cup, isikhonye ebholeni laseNingizimu Afrika amasizini ayisishiyagalombili elandelana.
Inqobe isicoco seligi minyaka yonke kusukela ngo-2016. Manje, umbuzo omkhulu uthi — ingakwazi yini ukukwenza nalokhu emhlabeni jikelele?
IMamelodi Sundowns izomela i-Afrika kwiFifa Club World Cup ka-2025 e-United States.
Lo mqhudelwano uqala ngoJuni 15 uze uphele mhla ngoJulayi 13. Okokuqala ngqa, uzoba namakilabhu aphezulu angu-32 avela emhlabeni jikelele.
Imidlalo yeSundowns
ISundowns iqala umkhankaso wayo ne-Ulsan HD FC yaseSouth Korea ngoJuni 18 – umdlalo ungo-12 AM ngokwesikhathi sakuleli.
Izophinde babhekane neFluminense yaseBrazil ngoJuni 21 neBorussia Dortmund yaseGermany ngoJuni 25 esigabeni samaqoqo.
Amakilabhu aphezulu azobe edlala kulo mqhudelwano ozovala isikhala sebhola esivamise ukudla lubi uma kuvalwe isizini.
Lo mqhudelwano uqhathe amakilabhu amakhulu emhlabeni afana ne:
- IReal Madrid yaseSpain,
- IManchester City yase-England,
- IChelsea yase-England,
- IBayern Munich yaseGermany,
- I-PSG yaseFrance,
- IJuventus yase-Italy
- I-Inter Miami yase-US okudlala kuyo uLionel Messi
Ngaphandle kweMamelodi Sundowns, i-Afrika imelwe nayi-Al Ahly yase-Egypt, iWydad Casablanca yaseMorocco, ne-Esperance yaseTunisia.
Kubhekwe umbango ovuthayo
IMamelodi Sundowns ngelinye lamaqembu angabhekiwe kangako. Iziqhwaga zaseYurophu ezifana neMan City, iReal Madrid, nePSG yizo izintandokazi kulo mqhudelwano.
Amaqembu aseSouth America iFlamengo, iBotafogo, nePalmeiras nawo kulindeleke ukuthi azibonakalise.
Imidlalo ebhekwe ngabomvu
Lo mqhudelwano unemidlalo ezothatha amehlo ngempela, okunesiqiniseko sokuthi izoshiya abalandeli benconcoza.
Emidlalweni ebhekwe kakhulu kukhona:
- Owe-RB Salzburg neReal Madrid,
- OweJuventus neManchester City,
- OweIBayern Munich neBoca Juniors,
- OweFlamengo neChelsea,
- Owe-Inter Miami neFC Porto,
Imininingwane ebalulekile
Imidlalo eyehlukene yeClub World Cup izodlalelwa emadolobheni angu-12 ase-US.
Umdlalo wamanqamu wona uyobanjelwa eMetLife Stadium eseNew Jersey.
NjengeNdebe yoMhlaba yamaqembu esizwe, uhlelo lwemidlalo luqala ngesigaba samaqoqobese kudlulelwa emzuliswaneni womkhumulajezi.
Ubaluleke ngani lo mqhudelwano
IMamelodi Sundowns inethuba lokuqopha umlando. Izobhekana ngqo namakilabhu ahamba phambili emhlabeni.
Futhi okuhle kakhulu wukuthi ungabuka yonke le midlalo bukhoma ku-Showmax ngo-R99 nje kuphela.
Yonke imidlalo engu-63 izosakazwa bukhoma kuShowmax Premier League.
Abalandeli bangabhalisela uhlelo lokuyibuka kumakhalekhukhwini luka-R99 ngenyanga ngokungena la: www.showmax.com
