Izinguquko ezintathu kwiPirates ibhekene neSekhukhune

August 25, 2026 1 min read

I-Orlando Pirates yenze izinguquko ezintathu eqenjini eliqala umdlalo neSekhukhune United ngoLwesibili ebusuku.

La maqembu ahlangane emdlalweni wesibili kwemithathu elandelanayo.

IPirates yanqoba ngo 1-0 emlenzeni wokuqala womdlalo owandulela owamanqamu kwiMTN8 ngempelasonto edlule.

Igoli likaDeon Hotto lenze amaBhakabhaka athola ukunqoba okubalulekile ekuhambeni.

Kulokhu la maqembu abhekene e-Orlando Amstel Arena emdlalweni weBetway Premiership oqala ngo-7.30 ebusuku.

UDaniel Msendami no-Oswin Appollis, abaqale ebhentshini ngoMgqibelo, bathole ithuba lokuqala kulo mdlalo.

UBoitumelo Radiopane naye ubuyele eqenjini eliqala umdlalo ngemuva kokungafakwa eqenjini losuku lomdlalo wangoMgqibelo.

I-Orlando Pirates ingena kulo mdlalo isendaweni yokuqala ngamaphuzu ayisikhombisa, ilingana neKaizer Chiefs, iMamelodi Sundowns naMaZulu FC.

ISekhukhune yona isendaweni yesihlanu ngamaphuzu ayisithupha.

IPirates ibophele kanje: Chaine, Sebelebele, Seema, Zulu, Hotto, Mokobodi, Mthiyane, Msendami, Masilela, Appollis, Radiopane.

Ebhentshini: Dladla, Chabathsane, Rapoo, Selepe, Mmolai, Ngwato, Kgositsile, Lungu, Pedersen.

ISekhukhune ibophele kanje: Buthelezi, Ndlozi, Matsimbi, Cardoso, Kazeem, Khiba, Mkhize, Ramabu, Rammala, Mojela, Ndlovu.

Eminye imidlalo yangoLwesibili: Marumo Gallants v TS Galaxy, Kruger United v Durban City, neSiwelele v Chippa United.