Isikhulu sithumbe unozinti esimsola ngokudayisa imidlalo
Unozinti waseCameroon, u-Eric Parfait Djomeni usefake isikhalazo esisemthethweni ngomphathi weqembu lakhe amsola ngokumthumba nokumhlukumeza.
Ithimba labameli bakanozinti weVictoria United selithathele usihlalo weqembu uValentine Nkwain izinyathelo zomthetho.
Ingxabano phakathi kukaNkwain nonozinti wakhe uDjomeni isithathe isiphinde yathatha elinye igxathu, ngokwemibiko eqhamuka eCameroon.
Kuvela ukuthi uDjomeni, oneminyaka engu-19 ubudala, ufake isikhalazo ngosihlalo emsola ngokumthumba nokumhlukumeza ngokumshaya.
Lokhu kuphawula okusha ngaleli cala elixakayo eliphakathi kweVictoria United nonozinti wayo.
Ngokwemithombo eminingi, lo nozinti usolwa ‘ngokudayisa imidlalo”.
Usolwa ngokuthi ube nesandla ekutheni ikilabhu ingenzi kahle kwiMTN Elite One kule sizini.
Imibiko ithi uthunjiwe, wabe eseshaywa ngenxa yokumphoqa ukuthi avume la macala.
Nokho le kilabhu, ebe ngompetha baseCameroon ngo-2024, iyazichitha lezi zinsolo esitatimendeni esikhishwe ngoFebhuwari 25.
Isikhalo ngoValentine siwubufakazi obengeziwe bokuthi kukhona okungahambi kahle phakathi kukanozinti uDjomeni neqembu lakhe.
Kwividiyo eshicilelwe kwi-inthanethi, unina walo mdlali uveze ukuthi indodana yakhe ngempela ithunjiwe futhi yahlukunyezwa yiqembu.
Nokho kwenye ividiyo, iVictoria uyakuphika lokho. Lo nozinti uqobo ukhona kuyona eqinisekisa ukuthi wenza kahle.
Uqhube wathi iqembu liyaqhubeka nokuzilolonga ngokuthula futhi akukho zinkinga.
Kodwa okuxakayowukuthi yena futhi lo nozinti usethathe abammeli abafake isikhalo ngalokhu kuhlukunyezwa kwakhe.
Njengoba icala manje selisezandleni zohlelo lwezomthetho, kwethenjwa ukuthi uphenyo luzocacisa ngokuyikhona okwenzekayo.
