Iconsisa amathe eyandulela owamanqamu kwiNedbank Cup
I-Nedbank Cup, eyaziwa nangokuthi ‘yindebe yamaphupho’ iqhubekile nokukufakazela lokhu.
Kulandela enye impelasonto yezimanga, iPremier Soccer League (PSL) isiyiqiniseke ngokusemthethweni imidlalo eyandulela owamanqamu.
Njengoba amaqembu aziwa nge-Big Three — iMamelodi Sundowns, i-Orlando Pirates, neKaizer Chiefs — bonke bebebuka kumabonakude, sekucacile ukuthi i-Nedbank Cup izoba nompetha omusha.
Ukuqhathwa kwamaqembu azodlala eyandulela eyamanqamu ngoMsombuluko ebusuku, kanti kukhiphe imidlalo econsisa amathe.
INDLELA EYA KWEYANDULELA OWAMANQAMU
Umzuliswano odlule uphenduke ithuna lezintandokazi zamaqembu adlala kwiBetway Premiership:
- Casric Stars 2-1 AmaZulu FC: Leli qembu leMotsepe Foundation Championship liqhubekile nokumangaza, lashiya kuthe cwaka eMoses Mabhida Stadium livulela induku kuMaZulu.
- Milford FC 2-2 Sekhukhune United: IMilford iwine ngo 3-2 sekukhahlelwa amaphenathi. Lo mdlalp othokozisayo ubuseNew Peter Mokaba Stadium.
IMilford FC edlala esigabeni esiphansi imangaze iBabina Noko sekukhahlelwa amaphenathi. - TS Galaxy 2-0 Jacksa Spears: IRockets igweme ihlazo eligqinye amanye amaqembu amakhulu ibhekene neqembu le-ABC Motsepe League.
- Durban City FC 1-1 Golden Arrows: IDurban City iwine ngo 5-4 sekukhalelwa amaphenathi. Le dabhi yaKwaZulu ibisezingeni eliphezulu.
ICtizens yiyo ephume iqholosha futhi yadlulela esigabeni esilandelayo.
UKUQHATHWA KWAMAQEMBU
Ukuqhathwa kwemidlalo kukhiphe imidlalo emihle, enikeza ithuba lokuthi kube nomdlalo wamanqamu oyisimanga.
Kungenzeka udlalwe amaqembu eChampionship wodwa okokuqala emlandweni walo mqhudelwano.
Imidlalo iqhathwe kanje: TS Galaxy v Milford FC; Durban City v Casric Stars
FUNDA NALA | IChiefs ‘yiZimuzimu’ elidla abaqeqeshi – Middendorp
IPSL isazomemezela izinkundla, izinsuku nezikhathi le midlalo yeNedbank Cup ezodlalwa ngazo.
