Ibuyise isithunzi iBafana Bafana kwiCosafa Cup
IBafana Bafana iwagcinile amathemba ayo okunqoba iCosafa Cup, ihlula iZimbabwe ngo 2-0 ukuqoqa amaphuzu amathathu okokuqala.
Leli qembu eliholwa uVela Khumalo liphoxile emdlalweni walo wokuvula ngoLwesithathu, lihlulwa yiMozambique ngo 1-0.
Kodwa lilungise emdlalweni wesibili, yase inqoba kwiZimbabwe eToyota Stadium eBloemfontein ngoMgqibelo ntambama.
Iqembu lesizwe laseNingizimu Afrika, elidlala ngabadlali abazinze kuleli, liwabambe womathathu amaphuzu.
Igoli lokuqala liqhamuke ngephenathi evele esiwombeni sokuqala evalelwe enethini umdlali wasesiswini we-Orlando Pirates uKabelo Dlamini.
Womabili amaqembu akhombise inhloso yokuhlasela ngasekuqaleni komdlalo, kodwa amathuba abe mancane.
IZimbabwe iphokophele igoli lokulinganisa ngemuva kwekhefu, kodwa yathwala kanzima ukubhodloza udonga lwasemuva lweBafana Bafana.
Unozinti uThakasani Thakasani Mbanjwa usebenze kahle kulo mdlalo, eqinisekisa ukuthi akangenelwa goli.
Umdlali wasemuva weSuperSport United, u-Ime Okon ushayele iBafana Bafana igoli lesibili ngekhanda esiwombeni sesibili.
Khonamanjalo, iZimbabwe izozizwa ikhungathekile ngalo mphumela, njengoba idlale kahle ngesiwombe sesibili.
Kodwa ihlulekile ukwakha amathuba, nalawo amancane avelile yahluleka ukuthola ngawo amagoli.
Le wini ibeka iNingizimu Afrika endaweni eqinile kuGroup A njengoba isisendaweni yesibili, isele ngephuzu elilodwa ngemuva kweMozambique.
Njengoba isethole amaphuzu amathathu, iBafana Bafana isizobheka ukwakhela phezu kwalesi sisekelo ukuya phambili.
Nokho kumele bashaye iMauritius ngoLwesibili ntambama ukuqinisekisa ukuthi bazongena esigabeni somkhumulajezi.
IZimbabwe yona isele emsileni kuleli qoqo kanti amathuba ayo okuqhubekela phambili asemancane kakhulu.
Noma inganqoba kwiMozambique, kuzomele imincele ukuthi iBafana Bafana idlale ngokulingana neMauritius.
