I-Orlando Pirates idoba ufishi omkhulu kwiStellies
Ezindabeni zakamuva njengoba kuwusuku lokugcina lokudayiselana ngabadlali kwiPSL, i-Orlando Pirates kuthiwa isiqedela imidanti ethile ngaphambi kokuthola umdlali weStellenbosch FC.
Imibiko yakamuva iveza ukuthi leli qembu elicijwa ngu-Adbeslam Ouaddou lisha amashushu ngo-Andre De Jongh futhi izingxoxo sezisezingeni eliphezulu.
Lo mdlali odabuka eNew Zealand uyikhongco elibalulekile kwiStellies, kodwa kubukeka esezoshintshela kwi-Orlando Pirates.
Usedlale imidlalo engu-103, washaya amagoli angu-16 kusukela ajoyina leli qembu likaSteve Barker.
Ukudlala kahle kwakhe endaweni kaNamba 10, elandela ngemuva abagadli yikho okuhehe amehlo ePirates kuye.
WINA | Ithuba lokuwina neVicks neLisenethini
Isikhulu seStellies, uRob Benadie sicashunwe kwi-iDiski Times siveza ukuthi basenethemba lokubambelela kuDe Jong.
“Lutho, leso sivumelwano asikaqedwa, kodwa kungenzeka siphothulwe emahoreni ezayo. Okwamanje akukaqedelwa futhi sithemba ukuthi uzohlala la kithi.”
FUNDA NALA | Ziyaphenduka kuvalwa iwindi kwiPSL
Khonamanjalo, obengumgadli we-Orlando Pirates, uZakhele Lepasa usejoyine iSiwelele FC futhi kungenzeka adlale okokuqala uma seyibhekene nePirates ngoLwesibili.
Lamaqembu azogadulisana emdlalweni weBetway Premiership eToyota Stadium eBloemfontein ngoLwesibili ebusuku.
