IChiefs ibalwa kwacuthele owodumo kwiBafana
Sekuvele negama le-Kaizer Chiefs emaqenjini okuthiwa acuthise izindlebe ukuzwa ukuthi kwenzekani ngomunye wabadlali abazakhele igama kwiBafana Bafana.
Njengoba kubukeka sengathi isikhathi sika-Elias Mokwana eqenjini laseTunisia, i-Esperance de Tunis siyaphela, sekunamaqembu amgaqele.
Imibiko yakamuva iveza ukuthi angase lo mdlali ahambe kuleli qembu kuleli windi lokuhwebelana ngabadlali.
Lo mdlali weBafana usevele uhehe amehlo amaqembu amaningana, kanti i-Kaizer Chiefs nayo kubikwa ukuthi ingelinye lalawo maqembu asiqaphe ngelokhozi isimo sakhe.
Ngaphandle kwaMakhosi, iqembu laseQatar, i-Al Duhail, nalo kubikwa ukuthi lizibhekile ekusayineni lo mdlali.
UMokwana waziwa ngejubane lakhe, ikhono lokwakha amathuba nokushaya amagoli abalulekile.
Ubuye abe nolwazi olunzulu ebholeni lamazwe njengoba esedlalele iBafana Bafana emiqhudelwaneni emikhulu.
Yize kungakabi bikho isitatimende esisemthethweni ngekusasa lakhe, kubukeka sengathi uzoshiya kwi-Esperance ngaphambi kokuqala kwesizini entsha.
- FUNDA NALA | UBroos nakufisa ngoMbokazi
Uma i-Kaizer Chiefs ingaphumelela ukumsayinisa, kuzoba yisengezo esikhulu eqenjini layo njengoba ifuna ukudlisela nxanye izimbangi zayo kule sizini ezayo.
Amakhosi azobe engaphansi kwesandla sikaFernando Da Cruz kule sizini ezayo okubhekwe abuyise ngayo isithunzi sawo.
- EZISHISAYO|Â Cofa lapha usithole kuWhatsApp
