I-Cape Town City nezishaqisayo ngezihlabani zayo ezisakhula

I-Cape Town City kubikwa ukuthi isithathe isinqumo esikhulu ngabadlali bayo abane abasebancane abathembisayo.

ICityzens, egawulwe yizembe yaya kwiMotsepe Foundation Championship kukholakala ukuthi izama ukwenza imali esheshayo ngabadlali bayo. 

IMamelodi Sundowns seyinikwe ithuba lokusayina abane balaba badlali kanti i-Cape Town City ifuna u-R60 million ngabo, ngokubika kwe-iDiski Times.

Laba badllali abasendalini ngo:

1. Emile Witbooi, oneminyaka engu- 16 odlale imidlalo emihlanu eqenjini elikhulu
2. Shakeel April oneminyaka engu-19 odlale imidlalo engu-17 eqenjini elikhulu
3. Jody Ah Shene oneminyaka engu-20 odlale imidlalo engu -25 washaya amagoli amabili eqenjini elikhulu
4. Jaedin Rhodes oneminyaka engu22 odlale imidlalo engu-87, washaya amagoli ayisishiyagalolunye eqenjini elikhulu

ICape Town City yehliselwe ngendlela eshaqisayo kwiMotsepe Foundation Championship ngenyanga edlule.

Ibonakalala izama ukuhlanganisa imali njengoba isemizamweni yokuthenga isitifiketi kwiBetway Premiership ukuze iqhubeke nokudlala kulesi sigaba. 

Kungenzeka ke nokuthi ifuna ukuqina ephaketheni ukuze izihlele kabusha kwiChampionship ukuze ikwazi ukusheshe ibuyele kwiPremiership. 

• FUNDA NALA | U-Ethan Chislett uthi iChiefs izoqeda ukucanasa kweDowns

Lesi sinyathelo sokudayisela iSundowns laba badlali sikhulu futhi sikhomba isibindi sabaphathi beqembu.

Akuzokwenzeka ke nokho kalula ngoba noma iSundowns ingavumelana neCity ngalo R60 million ewufunayo, kusazodingeka ukuthi ixoxisane nabadlali ngezimfuno zabo.

• COFA LAPHA: | Usijoyine kuFacebook  

Umbiko uthe bekungakacaci noma iSundowns izimisele yini ukutshala imali eningi kangaka kulaba badlali abasebancane ebingahlelile ukubathenga. 

• WINA! | Gcwalisa imininingwane yakho ngezansi uzibeke ethubeni lokuwina ijezi elisha leqembu lakho