Uvelile owephutha lokudlaliswa koweBafana enekhadi
Imenenja yeqembu leBafana Bafana uVincent Tseka yiyo eyenza iphutha eliyihlazo nelingavimbela leli qembu ukuya eNdebeni yoMhlaba.
Leli phutha kwaba wukungaqikeleli ukuthi umdlali weBafana Bafana, uTeboho Mokoena akufanele adlale emdlalweni wokuhlunga.
AmaLungu ePhalamende abethukuthele ekomitini lezemidlalo aphoqe ukuba atshelwe ukuthi ngubani owenza leli phutha.
NGemuva kokuvela kwegama lakhe, abuze ukuthi kungani lesi sikhulu sisaqhubeka nomsebenzi waso ekubeni kucacile uyasehlula.
UMokoena, wayethole amakhadi aphuzi amabili emidlalweni edlule, futhi kwakungafanele adlale ngesikhathi iBafana inqoba ngo 2-0 kwiLesotho ngoMashi.
Kodwa wadlala — futhi manje iNingizimu Afrika ingase iphucwe amaphuzu amathathu ngenxa yalokho.
Uma kwenzeka lokho, kungalibeka engcupheni ithuba lokuthi iBafana Bafana ingene iNdebe yoMhlaba yeFifa ka-2026.
Uma iFifa iilahla iBafana ngecala, ingase yehle ezansi kuGroup C eqhwakele kuwo njengamanje.
Emhlanganweni wekomiti wangoLwesibili, iLungu lePhalamende le-ANC uDavid Kgabo ufune izimpendulo.
“Ubani okwakufanele ahlole imithetho ngaphambi kokuthi umqeqeshi amfake?” ubuze kanje.
Inhloko yezomthetho yeSafa, uPoobalan Govindasamy, ukuqinisekisile: “Yimenenja yeqembu, uVincent Tseka.”
UGovindasamy uthe iSafa noma ukhomishana womdlalo abazange baziswe ngokusemthethweni ngokumiswa kukaMokoena.
“Udlale ngokungenacala. Kwaba yingemva komdlalo lapho ulwazi lwavela khona.”
Kodwa amaLungu ePhalamende abengayizwa leyo ncazelo, efuna izimpendulo.
U-Athol Trollip we-ActionSA ubuze ukuthi kungani uTseka engazange amiswe emsebenzini wakhe.
“Kubikwa ukuthi uhola u-R100 000 ngenyanga. Umsebenzi wakhe ukubala amakhadi aphuzi — kodwa akazange akwenze lokho.
“Yikuphi abhekane nakho ngenxa yalokho?”
Umengameli weSafa uDanny Jordaan ukuvikele ukubambezeleka kokuqondiswa ubugwegwe.
“Sizolinda isinqumo sokugcina seFifa. Kulapho kuphela lapho uphenyo lwethu luzophothulwa.”
AmaLungu ePhalamende awazange ahlabeke umxhwele. UTrollip ugcizelele ukuthi kwakungewona umsebenzi weFifa noma iCaf ukuqapha amakhadi.
“Ngumsebenzi wangaphakathi kwiSafa lowo,” kusho yena. “Leli phutha lingasilahlekisela indawo eNdebeni yoMhlaba.”
UJordaan ucele isikhathi sokuqedela inqubo ngendlela efanele.
“Kuzoba nokuziphendulela, kodwa abasebenzi banamalungelo. Ngeke sivele sithathe izinqumo noma kanjani.”
Okwamanje, abantu baseNingizimu Afrika bazolinda — futhi bathembe ukuthi isinqumo seFifa sizovuna bona.
Ngale kwalokho, umsebenzi omuhle owenziwa yiqembu enkundleni uyofana nokuthi lalizidlalela umasgcozi nje.
