UTeko Modise usola ukuqhathwa nomdlali afisa ukumsiza
Owayeyisihlabani seNingizimu Afrika, uTeko Modise usola ukuthi kunothile owaxova ubudlelwane bakhe nomdlali oqavile afisa ukumbonisa ngokuthile.
UModise uthi sesiside isikhathi enesifiso sokuhlala phansi noSipho Mbule we-Orlando Pirates kodwa akwenzekanga.
Ekhuluma kwi-iDiski Dine Podcast, uModise uveze ukuthi kuze kwakabili ecelwa ukuba ahlale phansi noMbule ameluleke.
“Ngicelwe ukuthi ngikhulume noSipho isikhathi eside,” kusho uModise.
“Akungoba sinomlando ofanayo, kodwa ngoba sinethalente ngokufanayo.”
Le nkakha yeBafana Bafana uthi ngisho abantu abadala ebholeni babone ukufana phakathi kwayo noMbule.
Ukhumbule ingxoxo ake aba nayo nowayengusihlalo weSuperSport United uStan Matthews.
“Wathi kimi, ‘Ngemuva kwakho kwiSuperSport sinethalente elifanayo owawunalo… lo mfana uSipho. Ngicela ukhulume naye?’”
Isicelo esifanayo saqhamuka kusihlalo weMamelodi Sundowns uThlopie Motsepe ngesikhathi uSipho Mbule ethuthela eChloorkop.
Ngaphandle kwalokhu, uTeko Modise uthi abasondelene — futhi usola ukuthi kukhona owabaqhatha.
“Mhlawumbe kukhona abantu abatshela uSipho ukuthi nginenkinga naye,” kuchaza yena.
UTeko Modise usamile kwelokuthi uSipho Mbule unekhono lokufinyelela ezingeni eliphezulu, kodwa ukholwa ukuthi kukhona okumbambile.
“Ngingase ngizwakale njengomuntu onenzondo, kodwa kimina… sesiside isikhathi kubonakala ezoya kude kodwa kungenzeki,” kwengeza uModise.
Ugcizelele ukuthi uMbule usenawo amandla okuba ngumdlali ovelele — uma nje engakwazi ukuveza ikhono lakhe langempela.
