Unompempe wePSL ufeyile ehlowa, ibheji yeFIFA isengcupheni
Unompempe wakuleli, uMasixole Bambiso ubhekene nomsebenzi omkhulu wokuvuselela umsebenzi wakhe ngaphansi kwe-FIFA.
Lokhu kungemuva kokuhluleka esivivinyweni sokuqina komzimba sangaphambi kokuqala kwesizini.
UBambiso, oseneminyaka emithathu ekwiphaneli yonompemoe beFIFA, wehlulekile esivivinyweni esenziwe ngenyanga edlule.
Lo nompempe oneminyaka engu-30 ubudala manje usemzamweni yokubuyela esimweni ukuze aphinde azame ukuze avuselele ibheji lakhe leFIFA ngonyaka ozayo.
Unamasonto ayisithupha kusukela ngosuku ahluleke ngalo ukuze aphinde avivinywe.
Kodwa kuzomele aye ngaphandle kwezwe ukuze athole enye inhlangano yebhola eqhuba izivivinyo zonompempe.
Izindleko zohambo kuzoba ngezakhe. Ukuhluleka kukaBambiso kube yisimanga esikhulu.
Umsizi wonompempe uPatrick Jafta, naye wehlulekile kade behlolwa, ngokusho kwezikhulu.
UBambiso wayeneminyaka engu-21 ngesikhathi eqala ukushaya impempe okokuqala esigabeni esiphezulu ngoJanuwari 2018.
Washeshe wabhekwa njengomunye wonompempe abahamba phambili kuleli.
UBambiso odabuka eThembalethu, eGeorge useke wawina umklomelo wePSL Referee of the Season kabili.
Uwine ngesizini ka-2022/23 nango-2024/25. Ngesizini ka-2024/25 wathola ithuba lokuphatha imidlalo yamanqamu emibili kulandelana.
Waphatha oweCarling Knockout lapho iMagesi yashaya khona iMamelodi Sundowns eBloemfontein ngasekupheleni kuka-2024.
- FUNDA NALA | Kuvela okwaphazamisa uMailula phesheya
Waphinde waba ngunompempe kowamanqamu weNedbank Cup ka-2025 phakathi kweKaizer Chiefs ne-Orlando Pirates, owawinwa yiChiefs.
- EZISHISAYO|Â Cofa lapha usithole kuWhatsApp
