UChukwu uveza okwenza angamkhaleli uMngqithi ‘ozenzile’
Alfred NGUBANE
URaphael Chukwu, oyinkakha yeNigeria utshele iLisenethini ukuthi uManqoba Mngqithi ulinyazwe yipolitiki ufake umfutho kupolitiki kwiMamelodi Sundowns.
Le nsizwa eyayingumgadli ongalibheki ipali esadlala kwiSundowns, ithi uMngqithi usuke wakhohlwa umsebenzi awuqashelwe walibala yipolitiki.
“Le politiku yakhe n Rulani Mokwena igcine ngokuthi yehlele nakubadlali kwiMamelodi Sundowns,” kusho uChukwu.
“Igcine ngokuthi abadlali bahlukane phakathi nendawo kodwa nabaphathi beMamelodi Sundowns bahlulekile ukuxuzulula izinkinga zeqembu.”
UMngqithi ubeqashwe ekuqaleni kwesizini, evala isikhala sikaMokwena obexoshiwe yize iqembu belidlala kahle.
Ekufikeni kwakhe, kube nokungabini ngasolinye nabanye babadlali okudale ukuthi angabasebenzini emidlalweni yokuqala yesizini.
Yize yena ethi le nkinga ixazululiwe, kodwa uMngqithi ugcine ekhululiwe kwinkontileka yakhe.
Kuthiwa abanye abadlali bebenganeme ngendlela okwaxoshwa ngayo uMokwena.
Kube sekuqashwa uMiguel Cardoso wasePortugal nozakhele igama kwi-Esperance yaseTunisia kodwa waxoshwa ekuqaleni kwale sizini.
UChukwu wazakhela igama kwiSundowns ngeminyaka yama-90s njengoba engalibheki ipali.
