U-Ouaddou ulaxaze uMakgopa, uMbatha akekho koweSundowns
Umqeqeshi we-Orlando Pirates u-Abdeslam Ouaddou useshiye abalandeli bemangele ngeqembu alibophele emdlalweni obhekwe ngabomvu.
IPirates igadulisana neMamelodi Sundowns emdlalweni weBetway Premiership eFNB Stadium ngoLwesithathu ngo-7.30 ebusuku.
Okumangazile wukuthi u-Abdeslam Ouaddou eshiye ngaphandle abadlali ababili abamqoka eqenjini lakhe00.
Umdlali wasesiswini uThalente Mbatha kuvela ukuthi akekho kulo mdlalo ngenxa yokulimala.
Umgadli u-Evidence Makgopa yena kukholakala ukuthi ushiywe ngaphandle ngenxa yokwehlelwa yifomu kulandela ukushweba amathuba alula emdlalweni odlule.
Lo mqeqeshi wePirates wakhala ngaye ngemuva komdlalo weMarumo Gallants, wathi abadlali abangazimisele abanandawo eqenjini lakhe.
Lesi sinyathelo sikhombisa isibindi salo mqeqeshi njengoba lona kungumdlalo ongase ucacise ukuthi banalo ngampela yini ithuba lokudla iligi.
FUNDA NALA | Igidigidi uPitso eveza isifiso sokubuyela kwiPSL
Phambili uthembele kumgadli osemncane uYanela Mbuthuma okunguye okubhekwe kuye amagoli.
- Pirates: Chaine – Hotto, Sebelebele, Seema, Sibisi – Appollis, Maswanganyi, Mofokeng, Makhaula, Nemtajela – Mbuthuma
- Ebhentshini: Buthelezi, Chabatsane, Ndaba, Van Rooyen, Mbule, Mariko, Moremi, Msendani, De Jong
- Sundowns: Williams – Mudau, Modiba, Kekana, Ndamane – Morena, Mathews, Santos, Adams, Mokoena – Leon
- Ebhentshini: Onyango, Johannes, Lunga, Reisinho, Allende, Zwane, Lethlaku, Mothiba, Shalullile
