UMtasingwa usale ngaphandle, uPhili uyaqala kwiChiefs

U-Adolf Mtasingwa ukhishiwe eqenjini le-Kaizer Chiefs elizobhekana neSekhukhune United, ngemuva kokugxekwa kakhulu ngokungenzi kahle.

Amakhosi azobhekana neSekhukhune emdlalweni weBetway Premiership eFNB Stadium ngoLwesithathu – uqala ngo-7.30 ebusuku.

IChiefs idinga ukunqoba ukuze ibuyele esicongweni seligi.

Lokhu kulandela ukuthi iPolokwane City inyukele phezulu ngoLwesibili ebusuku.

Lokhu kwenzeke ngemuva kokuthi iPOlokwane ibambane ngo 3-3 neStellenbosch FC.

UMtasingwa uqale emdlalweni weMTN8 lapho iChiefs ihlulwe khona ngo 1-0 yiGolden Arrows ngempelasonto.

Lo mdlali waseTanzania akazange enze kahle kulowo mdlalo.

Lokhu kumenze wagxekwa kakhulu ngabalandeli nabahlaziyi ngokufanayo.

Owayengumdlali weChiefs, uJunior Khanye, ube ngomunye wabamgxeka kakhulu.

UKhanye uze wathi u-Adolf Mtasingwa kubukeka sengathi ukwi-Kaizer Chiefs ukuze nje engeze isibalo sabadlali.

Manje uDa Cruz usenqume ukumshiya ngaphandle emdlalweni obalulekile neSekhukhune.

• FUNDA NALA | Ayanda ahalela uBance oshiye iGallants

Akukacaci ke ukuthi lo mqeqeshi umshiye ukuze amnike isikhathi sokujwayela iBetway Premiership noma ngenxa yokungenzi kahle kwakhe.

Iqembu eliqala umdlalo: Petersen (©), Solomons, Kwinika, Miguel, Frosler, Maboe, Mthethwa, Velebayi, Ighodaro, Baartman, Phili.

Ebhentshini: Leaner, Monyane, Nkgwesa, Moloisane, Ndlovu, Mmodi, Da Silva, Shabalala, Vilakazi.

• EZISHISAYO| Cofa lapha usithole kuWhatsApp