Okushiwo uMbule ngokuxoshwa kukaButhelezi kwiBucs
USipho Mbule usesuse izinkulumo ezinkundleni zokuxhumana ngakubhale kulandela ukudedelwa kukaMelusi Buthelezi kwi-Orlando Pirates.
UButhelezi ube ngowakamuva ukukhululwa yiBucs njengoba iqhubeka nokuzihlela kabusha ngaphambi kwesizini entsha.
Ukhululwa nje ulandela yena uMbule nabanye okukhona kubo oTshegofatso Mabasa noBandile Shandu.
Ephawula ngalokhu kwi-Instagram, u-Sipho Mbule uvele wafaka ama-emoji okuhleka, wabe esethi: “Ya neh (wafaka ama-emoji okuhleka) Melusi Buthelezi. Ngikufisela okushe njayami. Sothini.”
Lo mbhalo uveze ukuthi kukhona obekuvele kungahambi ngendlela kubo ngesikhathi bekwiPirates.
Khonamanjalo, uMbule useqale impilo entsha e-Iraq njengoba amalungiselelo esizini neqembu lakhe elisha, iZakho SC eseqalile.
Lo mdlali usehlangane neqembu lakhe elisha njengoba liqhubeka nokuzilungiselela isizini ezayo, okuvula ikhasi elisha emsebenzini wakhe webhola.
U-Sipho Mbule ujoyine iZakho SC ngemuva kokuhlukana nePirates ekupheleni kwesizini edlule.
- FUNDA NALA | Okusha ngoMashiane neStellies
Leli yithuba elikhulu kumdlali oneminyaka engu-27 ubudala lokuqala kabusha ngaphandle kweNingizimu Afrika, njengoba ezobhekana nenselelo entsha ebholeni lase-Iraq.
IZakho SC inethemba lokuthi u-Sipho Mbule uzoletha ubuhlakani, amava nobuciko phakathi nenkundla njengoba iqembu lizilungiselela isizini entsha.
- EZISHISAYO| Cofa lapha usithole kuWhatsApp
