Kukhonye uRiveiro obeminciswe uMofokeng ezindondweni ezinkulu kweyePSL

ULucas Ribeiro nguye odle ubhedu emiklomelweni yePSL, enqoba zonke izindondo ezinkulu emcimbini obuungoLwesibili ebusuku. 

Lo mdlali odabuka eBrazil udle izindondo ezine ezinkulu ngemuva kwesizini emangalisayo abe nayo neMamelodi Sundowns. 

Uhambe neBetway Premiership Goal of the Season, Top Goal Scorer, Player’s Player of the Season nomklomelo ohlonishwayo iPSL Footballer of the Season. 

Ukubusa kwakhe kugcizelele umkhankaso onamandla weSundowns, ophinde wazuzela ikilabhu indondo ekhethekile kasihlalo wePSL.

Umqeqeshi wayo uMiguel Cardoso yena uklonyeliswe njengomqeqeshi wesizini kwiBetway Premiership.

I-Orlando Pirates nayo yenze kahle, isihlabani sayo esisesincane uRelebohile Mofokeng eqopha umlando. 

Akagcinanga ngokuwina umklomelo weMTN8 Last Man Standing kodwa uphinde waqokwa njengomdlali osemncane wesizini weBetway Premiership. 

Uzakwabo wamaBhakabhaka uSipho Chaine wathatha ekanozinti wesizini, uNkosinathi Sibisi wathatha eyesitobha, kwathi uMakhehlene Makhaula wawina eyomdlali wasesiswini. 

• FUNDA NALA | Naba abanqobe imiklomelo ngokuvelela kweyezindebe kwiPSL

Nakubadlali abasakhula iPirates yenze kahle. USphamandla Msezane ethatha indondo yeDStv Diski Challenge Top Goal Scorer, kwathi uMbekezeli Mbokazi waklonyeliswa njengomdlali ovelele kwiNedbank Cup.

• COFA LAPHA: | Usijoyine kuFacebook

KwiKaizer Chiefs kube uPule Mmodi othola indondo enqoba eyomdlali ovelele kwiNedbank Cup. 

Zihambe kanje lezi zindondo: 

1. Chairman’s Special Award – Mamelodi Sundowns 
2. MTN8 Last Man Standing – Relebohile Mofokeng (Pirates)
3. Carling Knockout Player of the Tournament – Elvis Chipezeze (Magesi)
4. Nedbank Cup Most Promising Player of the Tournament – Mbekezeli Mbokazi (Pirates)
5. Nedbank Cup Player of the Tournament – Pule Mmodi (Chiefs)
6. DStv Diski Challenge Player of the Tournament – Tylon Smith (Stellies)
7. DStv Diski Challenge Top Goal Scorer – Sphamandla Msezane (Pirates)
8. MF Championship Top Goal Scorer – Muzomuhle Khanyi (Hungry Lions) 
9. MF Championship Goalkeeper of the Season – Dumisani Msibi (Durban City)
10. MF Championship Player of the Season – Teboho Lekhatla (Casric Stars)
11. MF Championship Player’s Player of the Season – Muzomuhle Khanyi (Hungry Lions)
12. PSL Assistant Referee of the Season – Kgara Mokoena
13. PSL Referee of the Season – Masixole Bambiso
14. Betway Premiership Goalkeeper of the Season – Sipho Chaine (Pirates)
15. Betway Premiership Defender of the Season -Nkosinathi Sibisi (Pirates)
16. Betway Premiership Midfielder of the Season – Makhehlene Makhaula (Pirates) 
17. Betway Premiership Young Player of the Season – Relebohile Mofokeng (Pirates)
18. Betway Premiership Goal of the Season – Lucas Ribeiro (Sundowns)
19. Betway Premiership Top Goal Scorer – Lucas Ribeiro (Sundowns)
20. Betway Premiership Coach of the Season – Miguel Cardoso (Sundowns)  
21. Betway Premiership Player’s Player of the Season – Lucas Ribeiro (Sundonws)
22. PSL Footballer of the Season – Lucas Ribeiro (Sundonws)

WINA! GCWALISA IFOMU NGEZANSI UZIWINELE IJEZI LEQEMBU LAKHO